22.03.2018 / 16:21

Касманаўт каранямі з Друі: на МКС паляцеў выхадзец з Беларусі 7

21 сакавіка з касмадрома Байканур стартаваў касмічны карабель «Саюз МС-08». У яго склад уваходзіць расійскі астранаўт Алег Арцем’еў (камандзір), а таксама амерыканцы Эндру Фойстэл і Рычард Арнольд. Стыкоўка з МКС запланаваная на 23 сакавіка.

Інтарэс беларусаў да асобы Алега Арцем’ева звязаны з тым, што каранямі гэты лётчык паходзіць з Беларусі.

Ягоны бацька Герман нарадзіўся ў мястэчку Друя Браслаўскага раёна. Пазней ён стаў вайсковым інжынерам. Алег нарадзіўся ў Рызе, дзе ў той момант служыў ягоны бацька.

Мама Арцем’ева паходзіць з Далёкага Усходу. Цяпер бацькі жывуць у Віцебску, куды да іх часта прыязджае сын.

У школу будучы касманаўт пайшоў Ленінску (цяпер Байканур, Казахстан). Вучыўся ў Талінскім політэхнікуме. У арміі служыў у Вільні. Ад 2003 года залічаны ў атрад касманаўтаў для праходжання агульнакасмічнай падрыхтоўкі. Першы палёт Арцем’ева адбыўся ў 2014 годзе, на МКС ён прабыў паўгода.

У 2016 годзе Алег Арцем’еў атрымаў званне Героя Расіі. У інтэрв’ю «Звяздзе» касманаўт прызнаваўся, што за суткі ў космасе арымлівае камандзіровачныя ў памеры 300—400 даляраў, у залежнасці ад таго, ці выходзіў у космас.

Атрымліваецца, што за адзін палёт можа зарабіць каля $60 тысяч. «За палёт кватэру не купіш», — казаў ён, бо меліся на ўвазе маскоўскія цэны. Агулам жа аклад касманаўта складае 77 тысяч расійскіх рублёў (каля 2600 беларускіх).

У інстаграме Алега Арцем’ева ёсць цікавы фотаздымак, дзе ён разам з Алегам Навіцкім (расійскі касманаўт родам з Чэрвеня Мінскай вобласці), а таксама з Валянцінай Церашковай, якая таксама мае беларускае паходжанне і нават у дзяцінстве размаўляла па-беларуску.

ЗП

2
Хром / Адказаць
22.03.2018 / 17:21
А ці ліча ён сябе беларусам, а то зноу створыце сабе героя, а потым будзіце плакаць, калі апынецца, што ён не за Беларусь пад БЧБ?
0
ягер / Адказаць
22.03.2018 / 18:56
Космонавта такого не знаю, к сожалению, а вот поселок этот, разделенный рекой, запомнился только добрыми воспоминаниями. Тишь, красотища и умиленный покой, а за рекой-Запад.....
0
Маруся / Адказаць
22.03.2018 / 19:44
Ну прынамсі яго бацькі вырашылі дзе іх радзіма. І не трэба ствараць ідалаў. Трэба проста ганарыцца ім, як і ўсімі іншымі, хто па крыві звязаны з намі.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру