Віцебскі аўтапарк папярэджвае: няма паліва, аўтобусы будуць хадзіць зь перабоямі, зазначае Радыё Свабода.
На афіцыйным сайце прадпрыемства «Аўтобусны парк № 1» з'явілася паведамленне пра цяжкае матэрыяльнае становішча, якое прывяло да немагчымасці заправіць аўтобусы, таму ў руху гарадскога грамадскага транспарту магчымыя перабоі.
Крыху пазней з'явілася паведамленне пра тое, што «сітуацыя з рухам гарадскога рэгулярнага транспарту нармалізуецца».
«Прыносім вам свае прабачэнні», — такое паведамленне на сайце падпісана адміністрацыяй філіяла «Аўтобусны парк №1 г. Віцебска» ААТ «Віцебскаблаўтатранс».
Сайт Віцебскага гарвыканкама і афіцыйныя СМІ аб праблеме з палівам нічога не паведамляюць.
0
0
0
0
0
0
