10.10.2008 / 20:46

Па прачытаньні спаліць Фільм братоў Коэнаў 3

Брэд Піт, Джон Малкавіч і Джордж Клуні як дасьціпныя ідыёты ў шпегаўскіх гульнях.

posterПа прачытаньні спаліць (Burn After Reading)
ЗША – Францыя – Вялікабрытанія, 2008, каляровы, 96 хв.
Рэжысэры: Этан і Джоэль Коэны
Ролі выконваюць: Джон Малкавіч, Фрэнсіс МакДорманд, Джордж Клуні, Брэд Піт, Цільда Сўінтан, Рычард Джэнкінз
Жанр: Іранічная драма
Адзнака: 7 (з 10)

Звольнены за алькагалізм агент ЦРУ (Джон Малкавіч), які “ўсё жыцьцё змагаўся з дэбіламі”, вырашае скласьці мэмуары. Дыск зь ягонымі ўспамінамі трапляе ў рукі прыдуркаватых супрацоўнікаў сілоўні (Брэд Піт і Фрэнсіс МакДорманд), якія прагнуць узбагачэньня…

Стужка братоў Коэнаў – іранічны камэнтар на шпегаўскія трымценьнікі, змовы й нікому не патрэбныя таямніцы. Фільм з абсурдовай стрыманасьцю паказвае звычайных людзей, ахопленых сваімі жарсьцямі. Агент Джон Малкавіч – ільне да бутэлькі й патрыятычна брыдкасловіць. Ягоная жонка (Цільда Сўінтан) – “халодная сьцерва” – здраджвае яму (і, рэжысэрскі зьдзек – працуе дзіцячым лекарам). Дробны целаахоўнік-плэйбой (Джордж Клуні) употайкі майструе пікантнае крэсла, а глупства спартовых інструктараў – Брэда Піта й Фрэнсіс МакДорманд – вымярэньню не паддаецца.

Знакамітыя акторы неглямурна-ідыятычныя, жыцьцярадасна-гратэскныя – і аднамерна-спустошаныя. З разьвясёлай усьмешкай Брэд Піт атрымлівае кулю ў лоб, Фрэнсіс МакДорманд трызьніць плястычнымі апэрацыямі, Джон Малкавіч бярэ ў рукі сякеру, а зьляканы Джордж Клуні ўцякае ў Вэнэсуэлу.

Але за іранічным аповедам і ахайна-цытатнымі кпінамі дасьціпнай драмы – нуда і драбнеча жыцьця, што адмаўляецца быць сапраўдным і заўжды ня тое, якім здаецца.

Кінатэрміны

Кінападзеі

Усе фільмы

Кінатворцы

0
Кінаман / Адказаць
12.10.2008 / 14:22
Таксама варта паглядзець вось гэты фільм: http://dol.by/movies.php?id=931
0
Кнехт / Адказаць
12.10.2008 / 18:06
Па прачытаньні спаліць ============== Падумалася, што гэта назва артыкула аб "выбарах" у Беларусі, дзе бюлетэні паляць адразу пасьля прачытання лічбы з "цэнтру" і падпісання пратаколу.
0
Ягор Мароз / Адказаць
31.10.2008 / 12:45
Хіба гэта Клуні збег у Венесуэлу? А я думаў, што гэта першы палюбоўнік МакДорманд...
Каб пакінуць каментар, калі ласка, актывуйце JavaScript у наладах свайго браўзеру