24.03.2018 / 13:29

У Мінску на «Гадзіну Зямлі» адключаць падсветку Нацыяналкі і Оперы, раварысты зладзяць заезд 8

Мінск сёння далучыцца да акцыі «Гадзіна Зямлі» і ад 20.30 да 21.30 згасіць агні падсвятлення знакавых архітэктурных аб'ектаў, паведамілі БелТА ў Мінскім гарадскім камітэце прыродных рэсурсаў і аховы навакольнага асяроддзя.

Глабальная акцыя «Гадзіна Зямлі», якая арганізуецца па ўсёй планеце Сусветным фондам дзікай прыроды, пройдзе 24 сакавіка ў дзесяты раз. У першую чаргу, Камітэт прыродных рэсурсаў заклікае ўсіх неабыякавых ў гэты дзень адключыць святло ад 20.30 да 21.30.

Акрамя таго, а 20.30 згасне падсветка Нацыянальнай бібліятэкі, Оперы, Купалаўскага тэатра, Філармоніі, Музея гісторыі ВАВ і іншых значных аб'ектаў.

Летась у акцыі ўдзельнічалі 11 беларускіх гарадоў і вёсак, была адключаная падсветка 200 аб'ектаў. Эканомія склала 3000 кВт/гадз. энергіі.

«Але мэта «Гадзіны Зямлі» не ў тым, каб ашчадзіць электрычнасць. Гэта глабальны заклік да асцярожнага і адказнага стаўленню да прыроды, да рашучых мер па захаванні клімату на нашай планеце», - падкрэслілі арганізатары.

Мінскае веласіпеднае таварыства прымеркавала да «Гадзіны Зямлі» заезд «Да згаслай бібліятэкі». Веласіпедысты стартуюць а 20.00 ад Камароўскага сквера насупраць вул. В. Харужай, 3. Маршрут пройдзе праспектам Незалежнасці і завершыцца каля Нацыянальнай бібліятэкі. Тым, хто захоча далучыцца, неабходна мець пры сабе спраўныя і зараджаныя веласіпедныя ліхтары (спераду - белы, ззаду - чырвоны).

«Гадзіна Зямлі» - найбуйнейшая экалагічная акцыя, да якой у 2017 далучыліся 25 млн чалавек з 187 краін свету. Падсветка была выключаная больш як на 3,1 тыс. архітэктурных аб'ектаў.

0
илля / Адказаць
24.03.2018 / 15:56
А у райцэнтрах и зноу не уключаць лихтары па скверах и над праяздными частками вулиц што будзе пагрозай пешым раварыстам и кироуцам
0
стары / Адказаць
24.03.2018 / 19:08
Дурдом нейкi,- а прычым тут роварысты? Праедуць хутка насупраць зiмовага паветра,а потым па дзьве нядзелi будуць хварэць,ды лячыцца. Вельмi шустрыя тыя ,,маркетцiры,, што прадаюць ,,велiкi,, У колькi абыйдзецца гэтая язда?
0
Электрик / Адказаць
24.03.2018 / 19:41
Какие смешные эти экономисты - отключатели подсветок :-)  скорее всего энергосберегающих - нашли на чем экономить - на спичках! А знаете ли что на промышленных кухнях, в столовых, хлебозаводах в больницах, детских садах, школах - используют множество страшно энергозатратных печей, котлов, плит каждая из которых потребляет 20-30 киловатт!  Одна школьная кухня тянет как освещение пяти националок и десяти оперок, а теперь умножте общее количество беларуских больниц, школ, детских садов на количество электроплит и котлов тянущих по 20-30 киловатт - получится страшная астрономическая цифра расточительного использования электроэнергии! Но наш доблестный энергонадзор будет остервенело гонять  и доить деньги за перерасход электроэнергии пользователей бытовых обогревателей в пол-киловата и пользователей ламп накаливания в 0,1 КВт.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру