Актывістка Галіна Сьмірнова цяпер знаходзіцца ў мясцовым ізалятары часовага ўтрыманьня. Судзіць яе будуць 26 сакавіка, піша радыё «Свабода».
Бабруйскі гарвыканкам не дазволіў правесьці акцыю ў цэнтры гораду на плошчы Перамогі 24 сакавіка, а прапанаваў сабрацца 25 сакавіка на стадыёне «Славянка».
Напярэдадні Галіну Сьмірнову папярэдзіў пра адміністрацыйную адказнасьць за несанкцыянаванае мерапрыемства маёр міліцыі Сяргей Рудзько.
Пра затрыманьне актывісткі паведаміў у суполцы «Наш Бабруйск» у фэйсбуку паплечнік Сьмірновай Уладзімер Лазараў. Ён напісаў, што актывістку арыштавалі апоўначы, калі яна выходзіла з офісу гарадзкой арганізацыі АГП.
Сёння была затрыманая і другая заяўніца — Таісія Кабанчук, актывістка БХД. Чацьвёра ў цывільным гвалтам зацягнулі жанчыну ў міліцэйскую машыну. Пра гэта паведаміла паплечніца затрыманай Галіна Лазаравай. Паводле яе, Таісія Кабанчук цяпер утрымліваецца ў раённым аддзеле міліцыі.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію26
Каментары