25.03.2018 / 11:19

Беларусы Нью-Ёрка адзначылі Дзень Волі маштабнай імпрэзай на Манхэтане ФОТЫ 5

Беларусы Нью-Ёрка пачалі святкаванне 100-х угодкаў БНР у суботу 24 сакавіка. А 12-й усе сабраліся ў Social Hall на Манхэтане. Свята пачалося з буфета з беларускімі стравамі і прысмакамі. Працавалі таксама кірмаш беларускіх сувеніраў і выстава «Ідэя БНР у ЗША». 

Афіцыйная частка пачалася відэавіншаваннем Старшыні Рады БНР Івонкі Сурвілы. З прывітальным словам выступіў таксама ганаровы госць свята — першы амбасадар ЗША ў Беларусі Дэвід Суорц, а доктар гістарычных навук Алесь Смалянчук выступіў з экскурсам у часы стварэння БНР.

Яшчэ адна навуковая прамова — прафесара Уартбург-каледжа і выканаўчага дырэктара Цэнтра беларускіх даследаванняў Паўліны Сурвілы — была прысвечана вывучэнню беларускай ідэнтычнасці ў Амерыцы.

У святочным канцэрце ўзялі ўдзел музыка і кампазітар з Нью-Ёрка, лідар гурта «Літвакус» Зісл Сляповіч, выканаўцы з Беларусі Яўген Сокалаў (гурт ЗНАрок) і вядомы рэпер і кінаактор Vinsent. 

Дзень Волі ў Нью-Ёрку быў падрыхтаваны камандай Беларускага інстытута Амерыкі. Беларуская фундацыя Крачэўскага, а таксама Фонд Орса-Романа часткова падтрымалі фінансава гэта мерапрыемства. Выстава была падрыхтавана з удзелам БФК, а менавіта сп. Валянціны Трыгубовіч

Фота Віктара Дударава

0
Закаханы / Адказаць
25.03.2018 / 13:59
Спадабауся беларус, cправа з нiзу, у нацыянальнай жылетачцы i у акулярчыках i на кортачках .
0
Валянціна Трыгубовіч / Адказаць
25.03.2018 / 21:11
Шаноўныя калегі! Рэпартаж з Нью Ёрку, на вялікі жаль, атрымаўся не зусім дакладным. Так, святкаванне было цудоўнае! Аднак яго арганізатары - зусім не тыя, хто названы ў тэксце. І мне чужая слава неяк абразліва цісне... Як можна паправіць сітуацыю?

   Рэд. Дашліце свой тэкст пра свята на nn@nn.by.
1
Голас Амерыкі / Адказаць
26.03.2018 / 02:29
p.s. Між іншым, галоўнага арганізатара імпрэзы - Беларускі Інстытут Амерыкі - не ўзгадалі наогул. Няўжо так цяжка было пагугліць інфармацыю пра мерапрыемства? А яшчэ на працу расійскіх СМІ наракаеце...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру