На вуліцы Няміга ў цэнтры Мінска людзі ў цывільным пачалі кропкава «адлоўліваць» мінакоў, якія трымаюць нацыянальную сімволіку — стужкі, сцяжкі, балонікі, паведамляе «Радыё Свабода».
Сярод затрыманых — аўтарка Радыё Свабода Галіна Абакунчык. Па словах журналісткі, яе скруцілі два мужчыны без апазнавальных знакаў на вопратцы і заштурхнулі ў сіні мікрааўтобус. Патлумачылі, што ёсьць неабходнасць праверыць яе асобу на прадмет «учыненага злачынства». Яна спрабавала паказаць пашпарт, але дакумэнт міліцыянераў не цікавіў.
Па тэлефоне Галіна Абакунчык паспела сказаць, што гэтаксама гвалтоўна затрымалі некалькі чалавек са сцяжкамі. Праз нейкі час яе і іншых перасадзілі ў легкавы аўтамабіль і павезлі ў Цэнтральны РАУС Менска. Мікрааўтобус вярнуўся на Нямігу «паляваць» на іншых мінакоў.
