У Кітаі запрацаваў аўтамат па продажы аўтамабіляў ФОТА 2
Гандлёвыя аўтаматы маштабна выкарыстоўваюцца з пачатку XX стагоддзя. Іх асноўнай функцыяй заўсёды быў аўтаматычны продаж невялікіх тавараў, такіх як шакалад і цукеркі, бутэрброды, чыпсы, напоі, газеты. Нядаўна ж амерыканскі аўтаканцэрн Ford і кітайская кампанія Alibaba запусцілі ў кітайскай правінцыі Гуанчжоў аўтамат па продажы аўтамабіляў, перадаеtechcrunch.com.
Распрацоўка і будаўніцтва гандлёвага аўтамата вяліся на працягу апошніх двух гадоў. Шматпавярховая пабудова можа не толькі прадаваць аўтамабілі, але і выдаваць іх для тэст-драйву.
Каб скарыстацца гандлёвым аўтаматам, неабходна ўсталяваць на свой смартфон дадатак Tmail. Праз гэта дадатак можна купіць аўтамабіль або замовіць яго тэст-драйв. У апошнім выпадку машыну неабходна будзе вярнуць на працягу трох дзён. Пасля аплаты аўтамат пагрузіць яе на транспартны ліфт, спусціць на першы паверх, а затым выведзе пакупніку.