Жыхарка Столінскага раёна, 1976 года нараджэння, працуючы на пасадзе галоўнага бухгалтара ў адной з арганізацый раёна, выкарыстоўваючы сістэму электронных плацяжоў, скрала ў сваёй фірмы больш за 50 тысяч рублёў, паведамляе Следчы камітэт.
Падазраваная ажыццяўляла пераводы грашовых сродкаў у выглядзе завышанай заработнай платы і расходаў на гаспадарчыя патрэбы, якія не былі прадугледжаны дакументамі прадпрыемства, на свой асабісты рахунак.
Столінскім РАСК у дачыненні да жанчыны распачата крымінальная справа па ч. 4 арт. 210 (крадзеж шляхам злоўжывання службовымі паўнамоцтвамі ў асабліва буйным памеры) КК Беларусі. Падазроная затрымана і ўтрымліваецца ў ізалятары часовага ўтрымання.
0
0
0
0
0
0
