26.03.2018 / 20:45

У Іспаніі арыштавалі ўкраінскага хакера, які абрабаваў банкі на мільярд еўра 2

У Іспаніі затрымалі ўкраінскага хакера, кіраўніка кіберзлачыннага сіндыката, які атакаваў 100 фінансавых устаноў па ўсім свеце, паведамляе Financial Times.

Па дадзеных Еўрапола, банда прынесла больш за 1 млрд еўра страт банкам у больш чым 40 краінах свету, выкарыстоўваючы шкоднаснае праграмнае забеспячэнне, вядомае як Carbanak і Cobalt.

Тактыка банды ўключала праграмаванне банкаматаў на выдачу наяўных у вызначаны час, а таксама маніпуляцыі з сеткамі электронных плацяжоў. Прыбытак злачынцы адмывалі з дапамогай крыптавалюты.

Як піша іспанскае выданне El Mundo, 34-гадовы ўкраінец Дзяніс К. жыў ананімна ў Алікантэ з жонкай і сынам і быў арыштаваны 6 сакавіка. Цяпер ён знаходзіцца ў турме ў Іспаніі, справа будзе перададзена ў Нацыянальны суд.

Па дадзеных іспанскага МУС, злачынцам удалося арганізаваць хакерскія атакі на 300-400 банкаў Расіі. З 50 расійскіх банкаў грошы былі выкрадзеныя.

Хочаш падзяліцца важнай інфармацыяй ананімна і канфідэнцыйна?

8
MrDDS777 / Адказаць
26.03.2018 / 21:21
Как украинский?! Обязательно должен быть русский из Кремля!
0
Olka / Адказаць
27.03.2018 / 15:49
MrDDS777, руский - это если с оружием на банк напал!) А если серьёзно, то жадность фраера сгубила. Миллиард -это уже такая сумма, после которой нужно было остановиться и залечь на дно в какой-нибудь маленькой стране в океане без интернета и криптовалюты, где точно не найдут.
Каб пакінуць каментар, калі ласка, актывуйце JavaScript у наладах свайго браўзеру