У амерыканскім гарадку Дзень Волі адзначылі ў 71-ы раз ФОТАФАКТ
Сьвяткаванне сотых угодкаў абвяшчэння незалежнасці Беларускай Народнай Рэспублікі прагрымела па самых розных краінах свету, дзе жывуць беларусы, у тым ліку і ў Злучаных Штатах Амерыкі, у большых і меншых гарадах.
З году ў год адзначаюць гэтую гістарычную падзею беларусы і амерыканцы беларускага паходжання ў горадзе Саўт-Рывер у штаце Нью-Джэрсі. Напярэдадні Дня Волі, у суботу, адбылася традыцыйная ўрачыстасць каля будынка гарадской управы: былі ўзнятыя амерыканскі і беларускі бел-чырвона-белы штандары ды публічна прачытана пракламацыя мэрам горада да Дня Беларускай Незалежнасці.
Наступны дзень у нядзелю 25 сакавіка ў саўтрыверскай царкве св. Еўфрасінні Полацкай адслужылі малебен за свабоду Беларусі. Натхнёна прагучэлі словы малітвы: «зрабі магутнай, зрабі шчасьлівай краіну нашу і наш народ».
Упершыню Дзень Волі адзначылі ў Саўт-Рыверы 25 сакавіка 1948 г. Адным з арганізатараў свята быў Барыс Кіт. З таго часу дзень незалежнасці БНР адзначаецца штогод, а з 1960-х — з удзелам мэра горада.
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20
Каментары