27.03.2018 / 12:13

«Бардак пачынаецца з гэтага» — Лукашэнка выказаўся пра акцыю Статкевіча 25 сакавіка 88

president.gov.by

Любыя несанкцыянаваныя мерапрыемствы, якія перашкаджаюць жыць людзям, павiнны спыняцца імгненна. Такое патрабаванне Аляксандр Лукашэнка агучыў сёння ў час рабочай сустрэчы з міністрам унутраных спраў Ігарам Шуневічам, піша БелТА

Кіраўнік дзяржавы адзначыў, што некаторыя грамадзяне вырашылі адсвяткаваць 100-годдзе з дня ўтварэння БНР правядзеннем несанкцыянаваных мерапрыемстваў, нягледзячы на тое, што яны былі забароненыя. «Што хочам, тое і робім. Усе павінны разумець, што бардак пачынаецца з гэтага», — падкрэсліў Лукашэнка.

«Таму вы не глядзіце па баках. Не трэба глядзець, якую заяву зробіць Еўрасаюз або Дзярждэпартамент, гэта іх справа рабіць заявы. Але не дай бог нам спарадзіць тое становішча, у якім сёння жывуць заходнія дзяржавы. Вазьміце Францыю — за што гінуць людзі? — задаў рытарычнае пытанне кіраўнік краіны. — Няхай у нас будзе недасканалы дзяржаўны лад, але мы павінны гарантаваць бяспеку людзей.

Таму любыя несанкцыянаваныя мерапрыемствы, якія перашкаджаюць жыць людзям, павiнны спыняцца імгненна. Яны павінны разумець і чуць, што гэта не выдумка міліцыі».

Аляксандр Лукашэнка звярнуў увагу, што ў Беларусі дастаткова свабодаў для грамадзян. «Не трэба лезці на ражон. Але калі ты лезеш на ражон і хочаш сябе паказаць, ну што ж, гэта ў асноўным мужыкі, і атрымлівайце тады», — сказаў кіраўнік дзяржавы.

4
Алег / Адказаць
27.03.2018 / 12:18
О, зноў пачаў казаць у такой рыторыцы: "мужыкі", "па рылу". Ну, памятаеце, яшчэ ў пачатку 2000-х ён так казаў. 2006-ы падаецца. Тады яшчэ аналёгію рабілі: як Яму дык можна было абурацца, калі яго пабілі за часамі дэпутацтва, як апазыцыянэра, а іньшым нельга скардзіцца. 
3
касілер / Адказаць
27.03.2018 / 12:18
во як, а за што загінулі людзі на нямізе, ў мятро менскім, за што загінулі ганчар з красоўскім, захаранка, завадскі?
3
рускамоуны / Адказаць
27.03.2018 / 12:20
вышел бы хоть раз к людям, увидел бы что такое ражон. А то привык прятаться за спинами своих бычков.
Паказаць усе каментары/ 88 /
Каб пакінуць каментар, калі ласка, актывуйце JavaScript у наладах свайго браўзеру