Камітэт Нацыянальнага банка прыняў рашэнне адмовіць у набыцці праз АТ «Парытэтбанк» (Беларусь) істотнага ўдзелу ў прыватным акцыянерным таварыстве «Сбербанк» (Кіеў) у памеры 100% яго статутнага капіталу.
Аб гэтым паведамляецца на афіцыйным сайце НБУ.
«НБУ адмовіў ва ўзгадненні апасродкаванага істотнага ўдзелу ў ПАТ «Сбербанк» акцыянернаму таварыству «Парытэтбанк» у сувязі з неадпаведнасцю заяўніка патрабаванням заканадаўства Украіны», — гаворыцца ў паведамленні.
НБУ ўжо паведаміў заяўніка аб сваім рашэнні, а таксама абмеркаваў з новым кіраўніцтвам ААТ «Сбербанк» пытанне далейшай стратэгіі фінустановы.
Пакет дакументаў на ўзгадненне гэтага пагаднення падало ўпраўленне справамі прэзідэнта Беларусі 22 снежня 2017 года.
Нагадаем, Сбербанк у канцы сакавіка 2017 абвясціў аб продажы 100% акцый ўкраінскай «дачкі».
Сбербанк хацелі набыць бізнэсмэн Грыгорый Гусельнікаў і сын расійскага бізнэсоўца Міхаіла Гуцэрыева Саід, аднак НБУ адмовіў ім у куплі.
Цікавасць да куплі выяўляў і беларускі бізнесмен Віктар Пракапеня, кампанія якога - VP Capital - у пачатку ліпеня падала ў НБУ заяўку на набыццё ўкраінскага Сбербанка, але ў канцы таго ж месяца адклікала, піша Украінская праўда.
