Юрый Палітыка. Фота «Радыё Свабода».
«Сёння на пасяджэнне не прыйшоў перакладчык», — паведаміў адвакат беларуса Тарас Герэлюк.
У той жа час, абаронца адзначыў, што яму нічога не вядома з нагоды магчымага абмену Палітыкі на затрыманага і асуджанага ў Беларусі па абвінавачванні ў шпіёнстве ўкраінскага журналіста Паўла Шаройкі.
«Пакуль у справе нічога новага. Пра такі абмен мне нічога невядома», — дадаў ён.
Згодна з Крымінальна-працэсуальным кодэксам Украіны, на этапе падрыхтоўчага пасяджэння суд павінен вызначыць, ці адпавядае абвінаваўчы акт крымінальнаму працэсуальнаму заканадаўству Украіны і ці выканаў пракурор патрабаванні закона пры яго зацвярджэнні.
Цікава, што 27 сакавіка адбылася тэлефонная размова паміж кіраўніком Беларусі Аляксандрам Лукашэнкам і прэзідэнтам Украіны Пятром Парашэнкам.
У мінулы раз кіраўнікі дзяржаў размаўлялі па тэлефоне таксама ў дзень судовага пасяджэння па справе Палітыкі — 27 лютага.
Як паведаміла прэс-служба Пятра Парашэнкі, як і ў мінулы раз, яны абмеркавалі «першы форум рэгіёнаў Украіны і Беларусі, які адбудзецца восенню ў Гомелі, і выказаліся за актывізацыю эканамічнага супрацоўніцтва паміж прадпрымальнікамі абедзвюх краін».
