Huawei прадставіла смартфон з трыма камерамі, адна з якіх — 40 мегапікселяў
Кітайская кампанія Huawei зладзіла прэзентацыю флагманскіх смартфонаў Huawei P20 і Huawei P20 Pro. Галоўнай навінкай стаў Huawei P20 Pro з трайной асноўнай камерай, адна з якіх мае разрозненне ажно 40 Мп! Так з'явіўся 5-разовы гібрыдны зум, аналагаў якога ў канкурэнтаў пакуль няма.
Камера
Тры асноўныя модулі:
- 8 Мп — даўгафокусны каляровы датчык для 3-разовага павелічэння
- 20 Мп — чорна-белы для большай выразнасці і дэталізацыі здымкаў
- 40 Мп — каляровы датчык для звычайнай здымкі і пяціразовага гібрыднага зуму
Уся гэтая сістэма створаная знакамітым вытворцам фотатэхнікі Leica.
Максімальная светасіла f/1.6 — паказчык добры, але не рэкордны (рэкорд належыць Samsung з f/1.5 у Galaxy S9).
Асноўнае адрозненне P20 ад P20 Pro — адсутнасць модуля на 40 Мп. Гэта значыць, што малодшая мадэль мае толькі 2-разовы зум, як і многія флагманы іншых кампанй (iPhone X, Samsung Galaxy Note8 і інш.).
Экран
У Huawei P20 Pro — 6,1-цалевая AMOLED-матрыца з разрозненнем Full HD+ (2240x1080) і выразам, як у iPhone X. Экран мае глыбокі чорны колер, так што ў выключаным стане або з цёмнымі шпалерамі выраз на ім нават непрыкметны.
Функцыі экранных кнопак у P20 можна перапрызначыць на навігацыйную клавішу пад экранам. Свайп налева або направа будуць выконваць функцыі вяртання ці выкліку дыспетчара задач.
Функцыянальнасць
У Huawei P20 выкарыстоўваецца батарэя на 3400 мАг — дастатковы аб'ём, каб прылада працавала паўтара-два дня без падзарадкі. У P20 Pro — ужо на 4000 мАг, і ў спалучэнні з OLED экранам час працы будзе на некалькі гадзін больш.
Абодва смартфоны пастаўляюцца з 128 ГБ памяці і 4 ці 6 ГБ аператыўнае памяці адпаведна. Карты памяці не падтрымліваюцца.
Працэсар — Kirin 970 са штучным інтэлектам, які патрэбны пры здымцы: ён вызначае сцэну, аналізуе, што ў кадры, і падбірае патрэбныя налады.
Маецца абарона ад вільгаці і пылу (IP67), а вось традыцыйнага 3,5-міліметровага парта для навушнікаў няма. У старэйшай мадэлі ёсць стэрэадынамікі з Dolby.
Смартфоны працуюць на АС Android 8.1 Nougat з фірмовай абалонкай EMUI 8.1.
Чытайце таксама:
Вынікі прэзентацыі Apple: самы танны айпад для школьнікаў і новыя дадаткі
На смартфонах Xiaomi з'явілася беларуская мова. Спрычынілася і «Наша Ніва»
-
Сэрвіс, які дазваляе дзяўчатам абменьвацца звесткамі пра мужчын, стаў самым папулярным у ЗША. Але нешта пайшло не так
-
Шэлег: Беларускія лекі нічым не адрозніваюцца ад старых прэпаратаў буйных фармацэўтычных кампаній
-
Праз Сонечную сістэму ляціць аб'ект, паводзіны якога нагадваюць кіраваны касмічны карабель
Каментары