28.03.2018 / 14:34

Віктар Пракапеня: Што новы IT-дэкрэт дасць простым людзям 33

У чым практычнае значэнне IT-галіны для краіны? Якое яе прыкладное прымяненне ў розных сегментах эканомікі і жыцця? Пытанне аб новых перспектывах sb.by адрасаваў выканаўчаму дырэктару кампаніі VP Capital, доктару эканамічных навук Віктару Пракапеню.

— Што новы дэкрэт дасць звычайным людзям, неайцішнікам?

— З майго пункту гледжання, у сучаснай эканоміцы нельга нічога даць — можна толькі ўзяць. Калі дасі аднапакаёвую кватэру — спытаюць, чаму не два пакоі. Даеш 500 даляраў зарплаты — спытаюць, чаму не 1.000. Таму, як мне здаецца, важна растлумачыць людзям, што жыццё само ім нічога не дасць. У жыцці можна сёння толькі ўзяць. У рамках закона, зразумела. Узяць сваімі ведамі, прафесіяналізмам, матывацыяй. І для гэтага сёння дзяржава стварыла найлепшыя ўмовы.

— Гэта значыць, пераход да лічбавай эканомікі — гэта пераварот не столькі ў вытворчасці, колькі ў галаве?

— Можна сказаць і так. У новым свеце галоўная праца будзе заключацца ў тым, каб за кошт ведаў вырабляць новыя веды. Людзям варта зразумець: задача дзяржавы — не забяспечваць ім кавалак хлеба, а стварыць умовы, у якіх яны самі могуць зарабляць на якаснае жыццё.

— Яшчэ ў 2015 годзе спецыялісты «Сколкава» падрыхтавалі Атлас новых прафесій — даведнік, які адлюстраваў як перспектыўныя, так і прафесіі, якія адміраюць. Апошніх выдзелена аж 57: архіварыус, дыспетчары, медыцынскія дыягносты, турагенты, бухгалтары, менеджары, юрысты, журналісты і нават інспектары дарожнага руху. Лічба заменіць чалавека?

— Цалкам. Робаты робяць простыя аперацыі нашмат больш эфектыўна, чым людзі. Праз 20 гадоў не будзе і такой прафесіі, як кіроўца. Вадзіць машыны будуць робаты. Але не варта казаць пра выцясненні людзей — проста людзі змогуць працаваць на іншых, часта больш цікавых працоўных месцах. Тое ж самае адбудзецца з вялікай колькасцю іншых прафесій. Хочам мы таго ці не, але рабатызацыя ўжо адбываецца, прычым яе тэмп будзе толькі паскарацца.

— Як жа не адстаць ад гэтага працэсу, не застацца на ўзбочыне тых змяненняў, што адбываюцца?

— Для гэтага неабходна пастаянна і эфектыўна вучыцца. Такога, як было раней — атрымаў адну прафесію раз і назаўсёды і кропка, — больш не будзе. Атрымліваць новыя веды трэба пастаянна. Свет ведаў гаворыць на англійскай мове. Таму жыццёва неабходна яе вучыць. Кожнае дзіця, заканчваючы школу, павінна ведаць ангельскую мову на высокім узроўні. Самыя сучасныя курсы сёння даступныя ў інтэрнэце, прычым бясплатна. Так, няпроста прымусіць сябе вучыць нешта новае, асабліва для людзей сталага ўзросту. Але трэба выйсці з зоны камфорту, прымусіць сябе. Тым больш што Беларусь — адно з найлепшых месцаў у свеце для рэалізацыі сябе ў новай эканоміцы.

— Можаце патлумачыць?

— Дзяржава забяспечвае спакой і бяспеку. Дае магчымасць атрымліваць адукацыю і стварае лепшыя ўмовы для прафесійнай рэалізацыі. Усё астатняе залежыць ад вас. Самая галоўная каштоўнасць у сучасным свеце не прыродныя рэсурсы і не золатавалютныя рэзервы. Багацце ствараюць людзі, прычым — адукаваныя людзі. Гэта галоўны рэсурс і галоўны рэзерв. Знаходзячыся ў эпіцэнтры сусветнай канкурэнцыі, выйграе той, хто забяспечыць найлепшую адукацыю.

4
увы / Адказаць
28.03.2018 / 14:45
простым людям ничего это не дает. факт. а прокопеня после сизо, полностью под россиянами.
24
Leikobel / Адказаць
28.03.2018 / 14:48
Вельми ясны погляд на складаныя рэчы, дзякуй!
4
gu / Адказаць
28.03.2018 / 14:55
 чыноуник вельми перспектыуная и заусёды актуальная прафесия. галоунае, атрымаць якую-небудзь корку и у пэуны час лизнуць, дзе патрэбна. а далей ты ужо гаспадар становища: хачу прыму рашэнне, а хачу засуну на доуги час.
Паказаць усе каментары/ 33 /
Каб пакінуць каментар, калі ласка, актывуйце JavaScript у наладах свайго браўзеру