28.03.2018 / 15:08

Польшча купіла амерыканскія ракетныя комплексы Patriot за $ 4,7 мільярда 20

PAP

Чакаецца, што першыя комплексы паступяць у Польшчу ў 2022 годзе. Раней у Варшаве заяўлялі, што імкненне размясціць Patriot звязана з планамі Расіі па пераўзбраенні ракетнай брыгады ў Калінінградскай вобласці.

Урад Польшчы падпісаў пагадненне на пастаўку амерыканскіх сістэм ПРА Patriot у рамках праграмы «Вісла». Пра гэта паведамляе агенцтва PAP.

Подпіс пад дакументам у прысутнасці прэзідэнта краіны Анджэя Дуды і прэм'ер-міністра Матэуша Маравецкага паставіў міністр абароны Марыюш Блашчак. Падпісаны кантракт міністр перадаў паслу ЗША Полу Джонсу.

«Гэта гістарычны момант. Мы абсталёўваем польскую армію самай перадавой сістэмай абароны ў свеце», — прыводзіць словы Дуды Bloomberg. Сума ўгоды — $ 4,75 млрд.

ЗША ўхвалілі пастаўку ў Польшчу супрацьракетных сістэм Patriot у лістападзе 2017 года. Першая пастаўка будзе ўключаць 16 пускавых установак, 4 радыёлакацыйных станцыі і 208 ракет. Чакаецца, што першыя Patriot паступяць у Польшчу ў 2022 годзе.

1
Ytu / Адказаць
28.03.2018 / 15:17
Эта жа сколька лядовых дварцоф можна пастроць и дажынак правесци на 4,75 ярдаф басау?
10
LMI / Адказаць
28.03.2018 / 15:31
І ўся гэтая валтузьня над нашымі галовамі, і калі - не дай бог - што здарыцца, то Беларусь зноў стане арэнай вайны як тое было за часам Пятра І, у 1812 годзе, першай сьвятовай, другой сьвятовай....
18
Дзядзька / Адказаць
28.03.2018 / 15:47
Ytu, Лепш бы на пенсии раздали людцам паспалитым...
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру