Прадстаўнік Дзярждэпа ЗША: Расія — гэта пачвара з марскіх глыбінь 64

Афіцыйны прадстаўнік Дзярждэпа Хізэр Нойерт назвала Расію «пачварай з марскіх глыбінь», у якой «мноства шчупальцаў».

Пра гэта яна заявіла, адказваючы на пытанне пра высылку 60 расійскіх дыпламатаў з ЗША.

«У Расіі — доўгія рукі, у Расіі — мноства шчупальцаў. Мы лічым, што яны захаваюць сваю цікавасць да нашых выбараў, а таксама да выбараў у многіх іншых краінах … Гэта пачвара з марскіх глыбінь», — сказала Нойерт.

Паводле яе слоў, галоўнай умовай для паляпшэння адносін Вашынгтона з Масквой з'яўляецца ўзяцце Расіяй на сябе адказнасці па справе аб атручванні былога расійскага разведчыка Сяргея Скрыпаля.

«Дзверы да дыялогу з расійскімі ўладамі застаюцца адкрытымі, але калі Расія хоча паляпшэння адносін, ёй перш за ўсё трэба ўзяць на сябе адказнасць за гэтую атаку і спыніць сваю безразважлівую і агрэсіўную дзейнасць», — дадала Нойерт.