30.03.2018 / 09:38

4 красавіка — аўтограф-сесія Пятра Васючэнкі і прэзентацыя новай кнігі пра паноў Кубліцкага і Заблоцкага 2

«Акадэмкніга» (Мінск, пр. Незалежнасці, 72). 18.30.

Ці чулі вы пра паноў Кубліцкага ды Заблоцкага? Яны праелі, прагулялі ўсю сваю гаспадарку, а пасля сеялі рэпу, наседжвалі яйка з-пад Куры-Шчабятуры, змагаліся з Цмокам паганым ды траплялі ў іншыя гісторыі.

Пра іх апавядаў аўтар гэтай кнігі ў дзвюх папярэдніх казачных аповесцях — «Прыгоды паноў Кубліцкага ды Заблоцкага» і «Гаспадарка паноў Кубліцкага ды Заблоцкага». Цяпер — працяг дзівосных панскіх авантураў, дзе поўна неспадзяванак, гумару і вясёлых парадоксаў.

4 красавіка ў кнігарні «Акадэмкніга» — аўтограф-сесія Пятра Васючэнкі з нагоды выхаду яго новага раману-казкі для дзяцей «Дзівоснае лета паноў Кубліцкага ды Заблоцкага». У мерапрыемстве бярэ ўдзел мастачка Крысціна Баранава, якая зрабіла ілюстрацыі да кнігі.

Прыходзьце самі, прыводзьце сваіх дзетак!

Аўтограф-сесія адбудзецца пры падтрымцы кампаніі «Будзьма беларусамі!»

Кнігарня «Акадэмкніга» (Мінск, пр. Незалежнасці, 72)

Пачатак: 18.30

Уваход вольны!

0
Люстэрка / Адказаць
30.03.2018 / 01:19
Гэта кніга - тэатр. Чытайце дзецям абавязкова. Рабіце сцэнкі з дзецьмі. Чытайце па ролях. Мова такая смачная! Гэтая кніга сапраўдны скарб. І вельмі смешная.
0
МДЛУшнiк / Адказаць
30.03.2018 / 11:07
Пане Васючэнка - дзякуй Вам за лекцыі па белліту) Жадаю плёну ў працы! З павагай.
Каб пакінуць каментар, калі ласка, актывуйце JavaScript у наладах свайго браўзеру