01.04.2018 / 18:05

У цэнтры Берасця зноў сабраліся праціўнікі акумулятарнага завода 15

1 красавіка на плошчу Леніна ў Брэсце зноў выйшлі праціўнікі будаўніцтва акумулятарнага завода, паведамляе TUT.BY

Фота: Станіслаў Каршунгоў

Праваабаронца Раман Кісляк налічыў на плошчы каля 80 чалавек. Як і раней, удзельнікі сходу абмеркавалі пытанні будаўніцтва прадпрыемства і разышліся.

Гэтая несанкцыянаваная сустрэча, па словах яе ўдзельнікаў, праходзіла пад пільнай увагай праваахоўнікаў. У двары ля плошчы стаялі аўтазак, а таксама «ўазік» і «газель» без апазнавальных знакаў і пробліскавых маячкоў.

Фота: Станіслаў Каршунгоў

Жыхар Брэста Канстанцін у гутарцы з TUT.BY адзначыў, што за некалькі хвілін да пачатку сустрэчы на плошчы Леніна да яго падышлі двое мужчын «у цывільным». Не назваліся, задавалі пытанні і папярэдзілі, што адбываецца несанкцыянаваны мітынг.

Па словах Канстанціна, ён не ў першы раз прыходзіць на сустрэчу праціўнікаў будаўніцтва акумулятарнага завода.

— Я лічу, што хоця б у адну нядзелю ўлады павінны былі выйсці і пагаварыць з народам. Нас не чуюць. Нам няма да каго звярнуцца, — рэзюмаваў Канстанцін.

Людзі, якія сабраліся правялі на плошчы Леніна каля гадзіны, а затым разышліся. Паводле папярэдніх дадзеных, абышлося без затрыманняў.

Жыхары Брэста і раёна даведаліся пра будаўніцтва завода з прэсы і абурыліся, чаму чыноўнікі Брэсцкага райвыканкама не пацікавіліся іх меркаваннем па гэтым пытанні. Як аказалася, працэдура грамадскіх абмеркаванняў праводзілася яшчэ ў снежні 2016 года. Аднак тады «заўваг і прапаноў» ад грамадскасці не паступіла.

Як адзначаюць праціўнікі будаўніцтва, яны аб гэтай працэдуры нават не ведалі. Галоўнае, што іх турбуе, — ацэнка ўздзеяння на навакольнае асяроддзе.

З 25 лютага праціўнікі будаўніцтва завода кожную нядзелю выходзяць на плошчу Леніна карміць галубоў у знак пратэсту.

На днях яны раздавалі ў цэнтры Брэста чорныя шарыкі з надпісам «Жыць».

27 сакавіка суд Маскоўскага раёна Брэста адмовіў у задавальненні пазову аб прыпыненні будаўніцтва акумулятарнага завода. У суд з пазовам звярталася група грамадзян і грамадскае аб'яднанне «Экадом».

Суд Маскоўскага раёна адмовіў у задавальненні пазову, бо «заканадаўства не прадугледжвае магчымасці правядзення паўторных грамадскіх абмеркаванняў пры наяўнасці складзенага ва ўстаноўленым парадку заключэння дзяржаўнай экалагічнай экспертызы».

1
Юрась Беларус / Адказаць
01.04.2018 / 18:15
Прыйдзецца Кітаю адпаўзаць разам са Шцірліцам.
1
Апрувлю лоером / Адказаць
01.04.2018 / 18:17
Все понимают,что без откатов построить завод у Беларуси нереально. Откаты получены,кто теперь будет задний ход включать,т.е. деньги отдавать? Да плевать чиновникам на коренных,они пришлые с запасным аэродромом где-нибудь в Ростове.
9
Вектор / Адказаць
01.04.2018 / 18:27
Ну вот 80 человек против ак.завода, значит все остальные -за. Пусть имеют , что имеют, Они сами выбрали это для себя, близких и свох детей.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру