01.04.2018 / 20:19

Ахова «Зімовай вішні» адключыла сігналізацыю і не тэлефанавала ў МНС 15

Пажарная сігналізацыя ў кемераўскім гандлёвым цэнтры «Зімовая вішня» была пераведзена на ручное кіраванне, і ахова не выканала неабходных дзеянняў пры атрыманні сігналу аб узгаранні. Пра гэта паведаміў галоўны дзяржаўны інспектар па пажарным наглядзе МНС Расіі Рынат Енікееў у інтэрв'ю «Расійскай газеце».

«Я так разумею, што з 19 сакавіка (пажар адбыўся 25 сакавіка) яна пачала даваць збоі і пасылаць ілжывыя спрацоўванні і яе адключылі, перавёўшы ў ручны рэжым», — сказаў ён.

Енікееў растлумачыў, што сістэма пажарнай бяспекі ў аўтаматычным рэжыме павінна была маментальна ўключыць сістэмы дымавыдалення, апусціць ліфты на першы паверх, пераключыць усе эскалатары на спуск і разблакаваць дзверы эвакуацыйных выхадаў.

Сігнал аб пажары ў «Зімовай вішні» паступіў ахоўніку на пульт на першы паверх, распавёў галоўны дзяржаўны інспектар па пажарным наглядзе. Пасля гэтага ён павінен быў уручную адключыць усё, што адключылася б у аўтаматычным рэжыме. «Але ён гэтага не зрабіў і не апавясціў МНС пра пажар», — падкрэсліў Енікееў і дадаў, што выратавальнікам патэлефанаваў нейкі невядомы чалавек.

Акрамя таго, падчас пажару ў гандлёвым цэнтры працягвала працаваць агульная вентыляцыя, што спрыяла хуткаму распаўсюджванню агню.

Дакладная карціна падзей будзе адноўлена пасля таго, як удасца атрымаць усю інфармацыю з кантрольнага прыбора сігналізацыі, растлумачыў Енікееў. Яго расшыфроўкай займаюцца следчыя.

Пажар у кемераўскім ГЦ «Зімовая вішня» адбыўся 25 сакавіка. Па афіцыйных дадзеных, загінулі 64 чалавекі, у тым ліку 41 дзіця.

0
Кунцевич / Адказаць
01.04.2018 / 20:34
Нет слов...
0
не важно / Адказаць
01.04.2018 / 20:38
Сколько можно вам говорить. сигнализация связана с МЧС по каналам связи. Её отключать нельзя. Если только для профилактики, предварительно сообщив на диспетчерский пульт. Все самовольные "шалости" с сигнализацией исключёны. Так как самовольное отключение без уведомления грозит немедленным прибытием пожарной команды. и в случае ложного вызова штрафом учитывающим пробег транспорта и работу МЧС. Прочитайте лучше инструкции, и не дурите людям головы журналистским бредом.
Для меня складывается следующее понимание данной метаморфозы. Не  было там никакой сигнализации, в нашем белорусском понимании и трактовке. Может быть пожарный сигнализатор. да и тот, который не работал.
0
Багдан / Адказаць
01.04.2018 / 20:51
Cпалiлi людзей жыуцом, нелюдзi Божа Вялiкi , не пакiнь зло без адказу
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру