Ва ўпраўленьні ўнутраных справаў на транспарце МУС Беларусі паведамілі, што чакаюць прыбыцьця ў Менск на гульню нацыяльнай зборнай нашай краіны і Англіі 2,8 — 3 тысячы заўзятых з Туманнага Альбіёну.
14 кастрычніка ў Менск ўжо прыбыло тры чартэрных рэйсы зь Вялікабрытаніі, чакаецца яшчэ два. Адзін рэйс прызначаны на заўтра. Калі ўсе самалёты будуць запоўненыя, то ў Менск прыляціць 2 тысячы англійскіх фанатаў. Частка балельшчыкаў ляціць да Вільні, а потым дабіраецца да беларускай сталіцы чыгункай. Гэта — каля 1 тысячы чалавек.
Як заявілі ў УУСТ, падразьдзяленьне транспартнай міліцыі, у тым ліку спэцрота хуткага рэагаваньня пераведзеныя на ўзмоцнены варыянт нясеньня службы.
Якіх‑небудзь здарэньняў, зьвязаных з заўтрашнім матчам, пакуль не зафіксавана.