02.04.2018 / 20:20

Юрый Зісер: Праз змены ў закон аб СМІ беларусы сыдуць на расійскія сайты 39

Пасля шматгадовага перапынку ў барацьбе з непажаданымі думкамі ўлада вырашыла паўтарыць «поспех» беларускага ТБ перад расійскімі тэлеканаламі, «вызваляючы» беларускі інтэрнэт ад беларусаў, якія з такой цяжкасцю утрымліваюцца ў ім, на карысць замежных сайтаў.

Падобна на тое, што пасля змены топ-каманды ў Мінінфарме не засталося людзей, якія карыстаюцца інтэрнэтам. А газетчыкі не разумеюць, што змена крыніцы інфармацыі або месца для абмеркавання навін з беларускага на замежнае ажыццяўляецца карыстальнікам у адзін клік без усякага дазволу дзяржавы і цалкам бясплатна.

Папраўкі з пункту гледжання ўзмацнення жорсткасці мелі б сэнс, калі б яны суправаджаліся фільтраваннем замежных навінавых сайтаў і сацыяльных сетак. Хачу бачыць, як Мінінфарм зафільтруе Ленту.Ру або Мейл.Ру, УКантакце ці Фэйсбук, ды хоць бы беларускі «Спутнік», як адрэагуюць Захад і Расія і як пасля гэтага будзе прасоўвацца экспарт беларускай прадукцыі (самазвалаў, «малочкі», асабліва хайтэка). Мы па значнасці ў свеце далёка не Кітай, нам «кітайскага» заканадаўства не даруюць. А калі не ўжываць папраўкі на справе, навошта яны?..

Калі ўлада вырашыла ў чарговы раз напалохаць нашы СМІ — так яны і так пужаныя: па дзейсным заканадаўстве можна зачыніць любы сайт за пяць хвілін. Куды яшчэ больш жорстка?.. А вось любое ўзмацненне жорсткасці практыкі працы журналістаў накшталт адсутнасці акрэдытацыі для непажаданых медыя прывядзе да абмежавання іх магчымасці асвятляць падзеі і наогул рабіць сваю працу якасна. Ну а патрабаванне ідэнтыфікацыі карыстальнікаў прывядзе да іх зыходу на замежныя сайты, дзе няма абмежаванняў. А можа — хто ведае — наша ўлада сапраўды задумала перадаць беларускую інтэрнэт-прастору Расіі і ЗША?

1
Не з бугра / Адказаць
02.04.2018 / 20:32
Так і будзе, ці мо хто хацеў, чагось іншага?
6
Дед Мороз / Адказаць
02.04.2018 / 20:41
я нет (в РФ нет хороших информационных ресурсов, как впрочем и tut.by - унылый информационный ресурс с комментариям от всяких троллей из РФ) если мне вдруг интересно будет почитать новости то я лучше Нашу Нiву, BBC, CNN, Daily Telegraph и т.д. почитаю чем tut.by почитал бы Юрий комментарии в статьях на своём ресурсе: и понял бы, что такие новостные порталы нам не нужны
9
LMI / Адказаць
02.04.2018 / 20:44
Жыве Беларусь - Зісер.
Паказаць усе каментары/ 39 /
Каб пакінуць каментар, калі ласка, актывуйце JavaScript у наладах свайго браўзеру