Малеч, каля Бярозы. Можам пахваліцца сваёй воласцю. Гады тры таму назад поп узяў прысягу ад парафіі, каб не пілі гарэлкі; мужыкі са дзве нядзелі трымаліся, але пазней наноў узяліся за сваё. Тагды мужыкі, бачачы, што саўсім звесці п’янства няма сілы, дадумаліся хоць паменшыць п’янства. Яны зрабілі прыгавор у воласці, каб ніхто не меў права прадаваць гарэлку з дому — а толькі ў манапольцы; хто прадасць у хаце, той плаціць грамадзе штраф. І цяпер ужо нідзе ў нас не дастанеш з дому гарэлку. Ад гэтага п’янства паменшылася.
«НН». 25 красавіка 1908
Аман (не ОМОН!) забудуе тры раёны ў сэрцы Менска. Гаворка пра кварталы ўздоўж Янкі Купалы і Чырвонаармейскай. 25 гектараў сталічнай прасторы маюць намер забудаваць аманцы. Прадстаўнік інвестара — выканаўчы дырэктар дзяржаўнага генеральнага рэзервовага фонду Султаната Варыт Аль Харусі — запэўнівае, што гэта будуць архітэктурныя шэдэўры. Да праектавання забудовы цэнтра Мінска аманскія інвестары запрасілі адну з самых знакамітых брытанскіх кампаній — «Чэпмен Тэйлар».
«НН». 4 красавіка. 2008