Ацяпленне ў мінскіх адміністрацыйных будынках і прадпрыемствах адключаць 5 красавіка
У сталіцы 5 красавіка скончыцца ацяпляльны сезон для грамадскіх і адміністрацыйных будынкаў, прадпрыемстваў, паведаміў карэспандэнту агенцтва «Мінск-Навіны» намеснік начальніка ўпраўлення гарадской гаспадаркі і энергетыкі Мінгарвыканкама — начальнік аддзела энергетыкі Дзмітрый Плашкоў.
У Мінгарвыканкаме будуць сачыць за прагнозам надвор'я. Рашэнне аб адключэнні ацяплення ў астатніх катэгорый спажыўцоў будзе прынята пры ўстанаўленні патрэбнага тэмпературнага рэжыму і з улікам спрыяльнага прагнозу.