05.04.2018 / 21:47

З'явілася новая тэорыя смерці дыназаўраў: яны проста атруціліся  18

Нас заўсёды вучылі, што дыназаўры вымерлі праз серыю падзенняў гіганцкіх астэроідаў. Навукоўца ж Гордан Гэлап прапанаваў новую ідэю: ён лічыць, што старажытныя цмокі маглі атруціцца таксічнымі раслінамі. Пра навуковую працу Гэлапа піша Phys.org.

Малюнак: The Aspinall Foundation

У старажытных жывёл, лічыць навукоўца, не было здольнасці асацыяваць смак пэўных прадуктаў з небяспекай. Гэта прывяло да таго, што колькасць іх папуляцыі рэзка скарацілася. 

Першыя кветкавыя расліны (пакрытанасенныя) з'явіліся якраз перад тым, як дыназаўры пачалі выміраць. Гэлап сцвярджае, што расліны паступова развівалі абарону і станавіліся атрутнымі. Дыназаўры ж працягвалі есці іх, хаця гэта і негатыўна адбівалася на здароўі.

Звычайна жывёлы, адзін раз пакаштаваўшы нешта неядомае або нясмачнае, больш ніколі не будуць гэта есці. Дыназаўры ж, відаць, такой асаблівасці не мелі. Гэта пацвярджае і тое, што кракадзілы — «сучасныя дыназаўры» — таксама яе не маюць.

«Распаўсюджаны погляд на знікненне дыназаўраў, заснаваны на падзенні астэроідаў, прадугледжвае, што знікненне дыназаўраў мелася быць раптоўным, а наступствы павінны былі быць шырока распаўсюджанымі. Аднак доказы кажуць пра іншае: дыназаўры пачалі знікаць задоўга да падзення астэроідаў і працягвалі паступова знікаць на працягу мільёнаў гадоў пасля гэтага», — гаворыцца ў навуковай працы.

nn.by

3
Верны / Адказаць
05.04.2018 / 22:10
Novichok?
0
Александр / Адказаць
05.04.2018 / 22:11
 Подобные работы не новы, Лет тридцать пять назад было несколько схожих версий вымирания, в частности связанных с возникновением  покрыточеменных растений.
7
Э / Адказаць
05.04.2018 / 22:37
Некаторыя вучоныя знаходзяцца на ступені эвалюцыі ніжэй дыназаўраў.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру