07.04.2018 / 20:07

Пінігін: Можа, да 100-годдзя Купалаўскага зробім абноўленых «Тутэйшых» 20

Мастацкі кіраўнік Нацыянальнага акадэмічнага тэатру імя Янкі Купалы Мікалай Пінігін выказаўся пра планы паставіць абноўленых «Тутэйшых».

«Тутэйшыя» ў пастаноўцы 1992 года.

«Варта паставіць «Тутэйшых» ізноў. Таму што пакуль не будзе чарговага патопу, не зменіцца цалкам зямля і не змяшаюцца кантыненты, да гэтага моманту паміж лацінскай і візантыйскай цывілізацыямі будзе знаходзіцца Беларусь, і п’еса «Тутэйшыя» будзе актуальная. Можа, да 100-годдзя Купалаўскага і зробім гэту п’есу, але — па-іншаму. Не трэба паўтараць той спектакль, ён быў даўно. Але вось праблема: я не ведаю, дзе знайсці яшчэ аднаго маладога Віктара Манаева…», — расказаў ён у інтэрв'ю «Народнай Волі».

100-годдзе Купалаўскага будзе адзначацца ў 2020 годзе.

* * *

Мікалай Пінігін — рэжысёр легендарнай пастаноўкі «Тутэйшых» (1992), за якую атрымаў Дзяржаўную прэмію Беларусі. З прыходам да ўлады Аляксандра Лукашэнкі спектакль трапіў у няласку. Пастаноўка некалькі разоў паказвалася з шалёным ажыятажам і аншлагамі ў зале, але ўрэшце канчаткова знікла з рэпертуара. Афіцыйная прычына — састарэлыя дэкарацыі.

0
Не з бугра / Адказаць
07.04.2018 / 20:47
А ў нашай краіне толькі пра дэкарацыі і дбаюць...
0
Сымон / Адказаць
07.04.2018 / 20:52
ахахаха. састарэлыя дэкарацыі. нуну
1
North / Адказаць
07.04.2018 / 20:57
Зрабіце, калі ласка! Тутэйшыя - гэта лепшае, што было ў Купалаўскім! Саўнд, дэкарацыі...гэта проста непараўнальна!
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру