10.04.2018 / 15:05

Тэлевядучы Глеб Лаўроў прапанаваў назваць некаторыя СМІ «замежнымі агентамі». Але Лукашэнка супраць 45

Аб'яўляць замежныя СМІ, што вяшчаюць у Беларусі, інфармацыйнымі замежнымі агентамі немэтазгодна. Але імунітэт у грамадзян да несумленнай інфармацыі звонку варта выхоўваць. Пра гэта Аляксандр Лукашэнка заявіў падчас сустрэчы з кіраўнікамі і супрацоўнікамі найбуйнейшых дзяржаўных СМІ, перадае газета «СБ — Беларусь сегодня».

Пытанне на сустрэчы падняў палітычны аглядальнік Белтэлерадыёкампаніі Глеб Лаўроў, які прапанаваў увесці ў беларускае заканадаўства паняцце замежнай інфармацыйнай прысутнасці і замежных агентаў:

«Давайце такія СМІ, перш за ўсё — інтэрнэт-парталы, хоць бы прамаркіруем. Бо ўсе лічбы адкрыты: вядома, колькі вылучаюць палякі, колькі англічане, а колькі шведы на фінансаванне тых ці іншых праектаў за межамі сваіх краін», — сказаў Лаўроў.

Глеб Лаўроў

Кіраўнік краіны адказаў, што спяшацца не варта. Але неабходнасць інфармацыйнага імунітэту ад разнастайнай «чарнухі» звонку не падлягае сумневу.

«Калі мы гаворым пра замежных, мы павінны перш за ўсё стварыць адзіныя крытэрыі для вызначэння такіх. Выяўляючыся фігуральна, прадумаць адзіныя біркі. Але адразу паўстае пытанне, як жа мы будзем рэалізоўваць на практыцы гэтае рашэнне? Ці не ўскладніць гэта нашы адносіны з Расіяй, чые СМІ часам пра нашу краіну паказваюць незразумела як? Але ж біркі прыйдзецца вешаць не выбарачна, а на ўсіх, хто падпадзе пад адпаведныя крытэрыі.

Не трэба забываць і таго, што да заходніх інаагентаў у нашага народа імунітэт прышчэплены. А да ўсходніх?» — спытаў Лукашэнка.

У адказ на заўвагу журналіста аб тым, што гаворка ідзе перш за ўсё аб сеткавых рэсурсах, Аляксандр Лукашэнка заклікаў глядзець на праблему шырэй:

«Кожнае пакаленне павінна вынесці сваю ношу. Нам пашанцавала, што мы — адна з нешматлікіх постсавецкіх краінаў не прайшла праз вайны і разбурэнні. Але і наша пакаленне таксама на сябе павінна нешта ўзяць, каб не было сорамна перад людзьмі. І нам трэба выстаяць!

Калі прыйдзе час, наступіць такая неабходнасць — я з гэтымі замежнымі агентамі разбяруся на працягу сутак. Пакуль жа галоўнае — прышчапіць імунітэт ад несумленнай інфармацыі», - заявіў Лукашэнка.

3
Телепузик з-за озера / Адказаць
10.04.2018 / 15:08
Тогда уж все российские тв-каналы это иностранная кремлёвская агентура,пометим и их господа хорошие!)
1
ПросТы... / Адказаць
10.04.2018 / 15:15
сказаўбы б.. - разумна ) калі б не знаў гэту пароду ))
5
сакратар / Адказаць
10.04.2018 / 15:17
Ну што, з'еў выяўляўшчык агентаў? Думаў лізнуць, але ж дагэтуль не дапёр, што вецер пачаў дзьмуць у іншы бок. Як ён працуе палітычным аглядальнікам, калі нават ня ведае што адбываецца ў краіне, якія змены пачалі адбывацца? Ужо адзін гэты факт адварочвае глядзець палітычныя агляданні гэтага "аглядальніка".
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру