У сталічным TNT Rock Club сёння ўзнагародзілі пераможцаў 10-й штогадовай прэміі паводле партала Experty.by.
У журы гэтага году 17 беларускіх журналістаў і блогераў, а таксама 5 замежных крытыкаў — прадстаўнікоў медыя-рэсурсаў краін, з якімі мяжуе Беларусь: Аляксей Горбаш (The Flow, Расія), Максім Сярдзюк (Muzmapa, Украіна), Ян Блашчак (Polityka, Польшча), Ілмарс Шлапіньш (Satori, Латвія), Эмілія Вісацкайтэ (15min, Літва).
Пераможцы:
«Найлепшы дэбютны альбом»: Ulyanica «Вясна»
«Найлепшы поп-альбом»: ЛСП «Tragic City»
«Найлепшы электронны альбом»: Аня Жданава «Appetiizer»
«Найлепшы рок-альбом»: Tonqixod «Колер, якога няма»
«Найлепшы фолк-альбом»: Ulyanica «Вясна»
«Найлепшы беларускамоўны гурт»: Tonqixod.
Галоўная намінацыя — «Найлепшы альбом года». Тут перамога ў Tonqixod «Колер, якога няма»
У мінулыя гады ўзнагароду «Найлепшы альбом года» выйгравалі «Петля пристрастия» (2017), Shuma (2016), Port Mone (2015), Pukstband (2014).
Гурт Tonqixod. Фота — Аліса Ахрамовіч.