13.04.2018 / 12:13

Якім будзе надвор'е на вялікія выходныя

14 красавіка будзе пераважна без ападкаў, толькі ноччу месцамі па Брэсцкай вобласці, а днём у заходніх раёнах краіны кароткачасовыя дажджы, магчымы навальніцы. Ноччу і раніцай 0.. + 6°С, у паўднёва-заходніх раёнах +7.. + 11°С, у другой палове дня павысіцца да +14.. + 20°С.

У нядзелю ноччу і раніцай на большай частцы, днём у асобных раёнах, пераважна па паўночна-ўсходняй Беларусі, пройдуць кароткачасовыя дажджы, месцамі прагрымяць навальніцы. Тэмпература паветра мінімальная ноччу ад + 2°С па паўночным усходзе да + 10°С па паўднёвым захадзе; максімальная днём +12.. + 19°С, у паўднёва-заходніх раёнах +20.. + 23°С.

16 красавіка Беларусь апынецца пад уплывам цёплых і няўстойлівых паветраных мас з Заходняй Еўропы. У асобных раёнах чакаюцца кароткачасовыя дажджы, днём навальніцы. Днём +15.. + 22°С, па паўднёвым захадзе +23.. + 25°С.

Каб пакінуць каментар, калі ласка, актывуйце JavaScript у наладах свайго браўзеру