Мінскія выратавальнікі дапамаглі мужчыну выбрацца з балота ў Свіслачы, паведамілі БЕЛТА ў МНС.
13 красавіка каля 20.00 прахожыя паведамілі ў МНС пра тое, што на вуліцы Якубава ў напрамку ракі Свіслач у багністай мясцовасці на глыбіні каля метра захрас мужчына.
«На адлегласці 20 м ад цвёрдага грунту з балота каля ракі Свіслач работнікі МНС у гідракасцюмах дасталі мужчыну 1990 года нараджэння. Пацярпелы быў перададзены брыгадзе хуткай дапамогі. З папярэднім дыягназам «агульнае пераахаладжэнне і чэрапна-мазгавая траўма» ён дастаўлены ў шпіталь», - праінфармавалі ў МНС.
У выратавальным ведамстве растлумачылі, што, па папярэдніх дадзеных, мужчына пацярпеў з-за ўласнай неасцярожнасці.
0
0
0
0
0
0
