15.04.2018 / 17:52

У Барселоне 300 тысяч чалавек патрабавалі вызвалення палітвязняў ФОТА 10

Reuters.com

У Барселоне на адной з цэнтральных вуліц — праспекце Паралель — адбылася масавая акцыя пратэсту, у якой, па дадзеных мясцовай паліцыі, прынялі ўдзел 315 тыс. чалавек, перадае газета El Pais. Удзельнікі шэсця, як удакладняе La Vanguardia, выступалі пад лозунгам «За правы і свабоды, дэмакратыю і згуртаванасць». «Хочам, каб вы былі дома!» — гучала таксама на мітынгу.

Дэманстранты патрабавалі ад іспанскіх уладаў адклікаць ордэры на арышт, вызваліць і дазволіць вярнуцца на радзіму ўсім каталонскім палітыкам, якія знаходзяцца ў папярэднім зняволенні па абвінавачваннях, звязаных з правядзеннем незаконнага рэферэндуму аб незалежнасці.

У акцыі, як заўважае El Pais, прынялі ўдзел у тым ліку актывісты платформы «Дэмакратыя і суіснаванне». Гэтая арганізацыя, як удакладняе выданне, была створана нядаўна, аднак у яе ўжо паспелі ўвайсці дзясяткі палітычных і грамадскіх арганізацый, у тым ліку нацыяналістычная «Каталонская нацыянальная асамблея», некамерцыйная арганізацыя Òmnium Cultural, створаная для прасоўвання каталонскай мовы і распаўсюджвання каталонскай культуры, а таксама прафсаюзы «Рабочыя камісіі» і «Усеагульны саюз працоўных».

Мітынг у Барселоне адбыўся роўна праз шэсць месяцаў пасля арышту лідара арганізацыі «Каталонская нацыянальная асамблея» Жордзі Санчэса (у момант змяшчэння яго пад варту ён таксама быў абраны ў каталонскі парламент) і кіраўніка Òmnium Cultural Жордзі Куісарта. Усяго ж на дадзены момант у мадрыдскіх турмах па абвінавачванні ў дачыненні да арганізацыі рэферэндуму аб незалежнасці Каталоніі знаходзяцца дзевяць палітыкаў. Таксама іспанскі суд выдаў міжнародныя ордары на арышт яшчэ шасці палітычных дзеячаў Каталоніі, якія ў знаходзяцца за межамі краіны.

Пад варту Мадрыд хоча заключыць у тым ліку былога кіраўніка ўрада Каталоніі Карлеса Пучдэмона. Ён зараз знаходзіцца ў Германіі.

19
Belarus z Barcelony / Адказаць
15.04.2018 / 19:34
Chamu nia pishyce ab inshyh demanstracyjah, suprac separatyzmu? Ab Tabarnii?
21
Летов / Адказаць
15.04.2018 / 19:59
хотелось бы знать, где они протестовали (судя по фото из разряда бангалор, только хуже) и как там обстоят дела с разрешения и тд. Ибо важна не сама форма протеста, а его содержание. Мы то здесь это должны знать как никто другой
1
Olka / Адказаць
15.04.2018 / 21:21
Летов, никаких "разрешений" в Европе не нужно, все акции проводятся по заявительному принципу: уведомил местную власть и она обязана обеспечить порядок. На площади Бангалор и 10 000 человек не поместится, а в этой акции 315 000! Каталонцам респект, может и зря хотели отделиться, но считаться с собой точно заставят Мадрид.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру