17.04.2018 / 00:39

Радаўніца: дзень сустрэчы з тымі, каго ўжо няма на свеце 27

Радаўніца. Могілкі ў Барысаўскім раёне. Фота Сяргея Гудзіліна.

Пасля Вялікадня беларусы ўшаноўваюць продкаў. Сёлета выхадны дзень Радаўніцы прыпаў на 17 красавіка.

У адных мясцінах Беларусі на могілках збіраюцца ў Наўскі Вялікдзень (першы чацвер пасля Вялікадня; «наўскі» гэта значыць, «чацвер памерлых», ад старога слова «навец», г.зн. «нябожчык»), у другіх — на Правадную Нядзелю (або «Наўскі Вялікдзень», першая нядзеля пасля Вялікадня, якая «праваджае» святочны тыдзень). Але ў большасці наведванне могілак адбываецца на 9-ты дзень пасля Вялікадня.

Радаўніца. Могілкі ў Брэсцкім раёне.

Сам назоў Радаўніца (Радуніца, Раданіца) вельмі архаічны. Няма адзінага меркавання пра яго паходжанне. Здавалася б, значэнне слова ляжыць на паверхні.

Так, доўгі час яго этымалогію выводзілі ад «радавацца» або «род». «Род» — ясна, чаму. На карысць «радаснай» тэорыі сведчыла тое, што ў хрысціянскі час Радаўніца стала «Вялікаднем памерлых»: святам, прасякнутым надзеяй на ўваскрашэнне і вечнае жыццё. Аднак многія навукоўцы лічаць такое тлумачэнне павярхоўным.

Больш навуковым ключом да тлумачэння слова можа быць літоўскае raudá «плач з галашэньнем» і raudìnė «малітва з плачам і галашэннем». Параўнайце, як гэта падобна да славянскага «рыдання».

Сам абрад памінання дзядоў па Вялікадні ў нас з літоўцамі ідэнтычны. Назоў «Радаўніца» менш пашыраны на поўдзень ад Беларусі. Прыкладам, ва Украіне.

Дзяржаўным выхадным днём Радаўніца стала пасля звяржэння савецкай улады, у 1991-м. У Расіі, Польшчы і Украіне гэты дзень працоўны.

На могілках прыбіраюцца загадзя, перад днём памінання, калі павінна быць ужо чыста.

На Радаўніцу многія беларусы любяць прынесці на могілкі пачастунак, у тым ліку спіртное. Царква не ўхваляе гэтага, як і пакідання на могілках велікодных яек, кажучы, што галоўнае для нябожчыка — малітва.

Гэты абрад памінання памерлых бярэ свой пачатак яшчэ з дахрысціянскай пары, ён дасёння — адзін з найжывейшых.

Штогод могілкі перад Радаўніцай і на яе наведваюць мільёны людзей.

Глядзі таксама: Радаўніца: ад «грамулькі» да карагодаў на могілках

25
Иня / Адказаць
17.04.2018 / 06:36
И все понесут мертвые и страшные цветы на могилы..
25
Кирсанов Александр / Адказаць
17.04.2018 / 07:12
Правильно говорить - радуница. Название происходит от топонимов Радунь и Радунька. Это речка и посёлок на территории нынешней Гродненской области -  место упокоения князей и знати ВКЛ. Посёлок Радунь специализировался на уходе за погребениями. Этим и вошёл в историю. 
Это дохристианский праздник. Попы не имеют к нему никакого отношения. Однако поди ты - учат....
11
Адам Чумак / Адказаць
17.04.2018 / 07:31
паходжанне ад лiтоускага (жмудскага) яуна прыцягнута за вушы. Не прынята на Радаунiцу галасiць
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру