Паліцыя Ерэвана блакавала праспект Баграмяна, дзе знаходзіцца будынак парламента Арменіі, сцягнула вадамёт і бронетэхніку.
Раніцай 17 красавіка паліцэйскія на чале з намеснікам начальніка ерэванскай паліцыі палкоўнікам Валерыем Асіпянам прыбылі ў намётавае мястэчка апазіцыянераў, патрабуючы сустрэчы з лідарам пратэстнага руху, дэпутатам парламента Арменіі Нікалам Пашынянам.
Дэманстранты з 13 красавіка блакуюць цэнтр Ерэвана, пратэстуючы супраць кандыдатуры Сержа Саргсяна на пасаду прэм'ер-міністра Арменіі. Свой лагер яны разбілі на плошчы Францыі, якая знаходзіцца каля праспекта Баграмяна.
Раней Пашынян заклікаў сваіх прыхільнікаў блакаваць усе подступы да парламента, дзе ў аўторак павінна прайсці галасаванне па выбарах прэм'ер-міністра.
2 сакавіка армянскі парламент упершыню абраў прэзідэнта, якім стаў былы прэм'ер і пасол Армен Саркісян.
Кіруючая Рэспубліканская партыя Арменіі 14 красавіка вылучыла на пасаду прэм'ер-міністра Сержа Саргсяна, які з 2008 па 2018 гады займаў пасаду прэзідэнта.
16 красавіка ў Ерэване з-за сутыкнення дэманстрантаў з паліцыяй шпіталізавалі 46 чалавек, 6 з іх — праваахоўнікі.
