Узброеныя сілы Беларусі за год падняліся на 8 пазіцый у рэйтынгу наймацнейшых армій свету Global Firepower і занялі 41 месца.
У мінулым жа годзе беларускае войска займала 49 месца.
Беларусь апынулася паміж Румыніяй (40 месца) і Перу (42 месца).
Першая тройка топ-армій свету як мінімум тры гады запар нязменная — ЗША, Расія і на трэцім месцы Кітай. Армія Украіны заняла ў гэтым годзе 29 месца, Польшчы — 22, Літва — 95, Латвія — 105.
Рэйтынг найлепшых армій свету складаецца з 136 краін. І як і ў мінулым годзе, на апошнім месцы размясціўся міралюбівы Бутан.
Для стварэння рэйтынгу кампанія правяла комплекснае даследаванне, падчас якога ўлічыла больш за 50 фактараў.
Краіны, у якіх ёсць ядзерны арсенал, атрымлівалі бонусныя балы. Таксама дадатковыя балы атрымлівалі краіны, якія з'яўляюцца сябрамі НАТА.