18.04.2018 / 12:51

У Японіі знайшлі «амаль бясконцыя» паклады рэдказямельных металаў 10

Паводле ацэнак даследчыкаў, паклады, выяўленыя на дне Ціхага акіяну ля японскай выспы Мінаміторы, утрымліваюць больш за 16 мільёнаў тон рэдказямельных металаў. У часопісе Scientific Reports навукоўцы адзначаюць, што такія запасы змогуць задаволіць сусветны попыт на бліжэйшыя 800 год.

Аксіды рэдказямельных элементаў (металаў). Фота: Wikimedia Commons.

Згодна з разлікамі спецыялістаў, запасаў хопіць, каб пакрыць міжнародныя патрэбнасці ў ітрыі на 780 гадоў, у еўропіі — на 620 гадоў, патрэбнасці ў тэрбіі — на 420 гадоў, патрэбнасці ў дыспрозіі — на 730 гадоў. У даследаванні гаворыцца, што адкрыццё патэнцыйна можа дазволіць забяспечыць свет такімі металамі «практычна на бясконцай аснове».

Рэдказямельныя металы выкарыстоўваюць у многіх высокатэхналагічных галінах прамысловасці, у прыватнасці, пры вытворчасці электрамабіляў, мабільных тэлефонаў, акумулятараў. Яны ўяўляюць сабой групу з 17 элементаў: скандыю, ітрыю, лантану і лантаноідаў.

У Японіі пачалі актыўна шукаць уласныя радовішчы рэдказямельных элементаў, пасля таго, як у 2010-х гадах Кітай, галоўны пастаўшчык такіх металаў, пачаў абмяжоўваць іх здабычу і экспарт. 

nn.by

0
каментар / Адказаць
18.04.2018 / 13:06
Выдатна!
1
Арцём / Адказаць
18.04.2018 / 13:15
Когда уже там у нас нефть пробьёт?)
1
Сергей / Адказаць
18.04.2018 / 13:25
Китайцы в пролете, будут питаться редкоземельными металлами
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру