18.04.2018 / 14:26

ZTE можа пазбавіцца ліцэнзіі Android, бо парушыла ўмовы санкцый ЗША  2

Калі гэта адбудзецца, кампанія зможа выпускаць смартфоны пад Android, але не зможа ўсталёўваць на іх Google Play і іншыя фірмовыя дадаткі Google, паведамляе Android Police.

Міністэрства гандлю ЗША на 7 гадоў забараніла амерыканскім кампаніям прадаваць праграмнае забеспячэнне ZTE за тое, што кітайская кампанія пастаўляла амерыканскую прадукцыю ў Іран у абыход санкцый. Гэта можа значыць, што ZTE пазбавіцца ліцэнзіі на АС Android для сваіх мабільных прыладаў.

«ZTE і падраздзяленне Alphabet Inc абмяркоўваюць уплыў забароны, але абедзве кампаніі ўсё яшчэ не зусім зразумелі, як будуць супрацоўнічаць у будучыні», — паведамляе крыніца, знаёмая з перамоўным працэсам дзвюх кампаній.

Аднак адзначаецца, што Android — гэта праграмны прадукт з адкрытым зыходным кодам, таму ніхто не можа забараніць ZTE выкарыстоўваць яго. Кампанія можа ўзяць увесь зыходны код і пабудаваць сваю ўласную АС, як гэта зрабіў Amazon з Fire OS. Хутчэй за ўсё, забарона закране пакеты фірмовых дадаткаў і сэрвісаў Android з зачыненым зыходным кодам, уключаючы краму дадаткаў Google Play. Але ў такім выпадку смартфоны стануць непатрэбнымі пакупнікам. 

nn.by

0
Ваша імя / Адказаць
18.04.2018 / 16:58
А што такое «зыходны код»? Бо «зыход» — заканчэнне, завяршэнне, канец, вынік.
0
Чытач / Адказаць
19.04.2018 / 18:25
Ваша імя, Зыходны. Пачатковы, адпраўны.
Фальклорныя крыніцы з'явіліся ў некаторай ступені зыходным пунктам, ад якога пісьменнікі адштурхоўваліся. Ю.Пшыркоў.
http://slounik.org/145725.html
Каб пакінуць каментар, калі ласка, актывуйце JavaScript у наладах свайго браўзеру