Муж і жонка з італьянскага горада Трэнта афіцыйна ўсынавілі 32-гадовага грамадзяніна Беларусі. Нядаўна мясцовы суд вынес адпаведнае рашэнне. Цяпер беларус афіцыйна з'яўляецца адзіным дзіцем пары, паведамляе Giornaletrentino.
Мужчына пачаў ездзіць у італьянскую сям'ю яшчэ дзіцем па праграме «Дапаможам ім жыць», у рамках якой аказваецца дапамога дзецям, якія пражываюць у раёнах, пацярпелых ад аварыі на ЧАЭС. Пасля дасягнення паўналецця ён не страціў кантакты з італьянцамі і працягнуў іх наведваць, гэтаму спрыяе і яго праца ў сферы міжнародных перавозак. Італьянцы таксама наведвалі Беларусь.
За гады знаёмства, паміж бяздзетнай італьянскай парай і беларусам склаліся вельмі сямейныя адносіны. Цяпер у 32-гадовага мужчыны ёсць свая сям'я - жонка і дзеці. Нядаўна італьянская пара вырашыла звярнуцца ў суд, каб зрабіць грамадзяніна Беларусі сваім спадчыннікам.
