20.04.2018 / 14:24

Лябедзька сыходзіць: палітык пакідае кіраванне АГП пасля 18 гадоў старшынства 49

У хуткім часе мае адбыцца з'езд Аб'яднанай грамадзянскай партыі, дзе адбудуцца выбары новага старшыні. 

Гэтым разам кандыдатуры на лідарства дзьве, і сярод іх няма Анатоля Лябедзькі — барацьба разгорнецца паміж Васілём Паляковым і Ганнай Канапацкай. 

Выходзіць, пасля 18 гадоў лідарства ў партыі Анатоль Лябедзька вырашыў сысці? Пра гэта палітык расказаў «Нашай Ніве». 

«Гэта праўда, цяпер я займаюся сваімі надзённымі справамі і не маю ў сваім графіку пункта аб балатаванні ў старшыні АГП. Чым буду займацца далей? Вазьму нейкі тайм-аўт, вызначуся…», — сказаў Лябедзька. 

Мы папрасілі яго падсумаваць 18 год свайго старшынства ў партыі. 

«Самаацэнка будзе хіба што няслушнай — хай іншыя ацэняць. Галоўнае, пры сённяшняй хліпкасці беларускай партыйнай сістэмы АГП, усё ж такі, на фоне іншых палітычных структур выглядае, мне падаецца, трохі лепш. З гледзішча патэнцыялу, інфраструктуры, захавання традыцый. Вядома, што самая галоўная праблема, якая замінала нам развівацца — гэта адсутнасць выбараў. Вось, гэта тое чаго бракуе, што не дае магчымасці зірнуць, які рэальны патэнцыял партыі», — сказаў Лябедзька. 

Мы таксама ўдакладнілі, ці не можа паўтарыцца такой, уласцівай Беларусі сітуацыі, калі кіраўнікі партый, страціўшы лідарства, стваралі нейкія альтэрнатыўныя рухі. 

«Не, такіх планаў у нас няма, — сказаў Лябедзька. — Я чалавек каштоўнасны і ідэалагічны. Тыя людзі, якія ў партыі, яны для мяне камфортныя як для палітыка і каштоўныя як для чалавека». 

АЯ

3
r_r / Адказаць
20.04.2018 / 14:29
Ды што ж такое робiцца? Спачатку Венгер, затым Лябедзька, а там можа......? ))
0
LMI / Адказаць
20.04.2018 / 14:33
Сеньня дзень такі? Спачатку Арсен, зараз Лябедзька )))
18
Виолетта / Адказаць
20.04.2018 / 14:41
Я устал Я ухожу. Печально все это. В стране трусливого народца, который не то что за политические свободы не хочет бороться, но и свои экономические интересы боится отстаивать - лес политических пратий не завиден.Конечно ОГП выделялось на фоне остальных партий и прежде всего благодаря своему лидеру Анатолию Лебедько. В принципе у него по беларуским меркам счастливая политическая судьба.
Его и сажали за краты и били фейсом об асфальт и штрафовали и били по почкам , но он как Ванька-встанька вставал и шел дальше тянуть ярмо оппозиционера.
Ему повезло - не убили,  не отравили, не сгноили в тюрьме. Счастья тебе Анатолий!
Ты еще пригодишься для будущего Беларуси. За одно битого двух небитых дают. А за тебя ничего не жалко. И не твоя вина что народцу не надо ни миллион рабочих мест , ни свободные выборы, ни свободная страна. Удачи тебе Лебедько!
Ты - наш парень!







Паказаць усе каментары/ 49 /
Каб пакінуць каментар, калі ласка, актывуйце JavaScript у наладах свайго браўзеру