Учора ўвечары супрацоўнікамі міліцыі быў затрыманы берасцеец, які ўцёк з-пад варты, паведамляе «Советская Белоруссія».
Ён падазраецца ў здзяйсненні злачынства, звязанага з незаконным абаротам наркотыкаў. Знаходзячыся на стацыянарным лячэнні ў Брэсцкай бальніцы хуткай дапамогі, 27-гадовы мужчына вечарам 10 красавіка збег з-пад канвою.
Аператыўна-вышуковыя мерапрыемствы працягваліся 10 дзён. Афіцыйны прадстаўнік УУС Брэсцкага аблвыканкама Сяргей Дучэнка паведаміў, што ўчора каля 18.00 ўцекача затрымалі ў вёсцы Аброў Івацэвіцкага раёна. Падрабязнасці аперацыі пакуль не выдаюцца.
0
0
0
0
0
0
