The Stokes завяршыў працу над новым альбомам «Не замярзай».

Як паведаміў прэс-аташэ гурту Дзмітрый Бескаравайны, альбом запісаны пры ўдзеле расійскай кампаніі Sintez Records, з якой калектыў падпісаў кантракт у 2008 годзе. Узначальвае кампанію бас-гітарыст гурту «Машына часу» Аляксандр Куцікаў.

Паводле слоў Бескаравайнага, музыканты The Stokes ужо больш за два гады жывуць у Маскве.

А.Куцікаў не абмежаваўся роллю прадзюсера. Ён кіраваў запісам альбома, што праходзіў на маскоўскай студыі «Паліфон».

У падтрымку новага альбома ў Маскве зняты кліп на песню «Навучы мяне». У кастрычніку дыск «Не замярзай» паступіў у продаж у Беларусі, у лістападзе з'явіцца ў Расіі. Мінская прэзентацыя адбудзецца 6 лістапада ў клубе Night Star.

Хочаш падзяліцца важнай інфармацыяй ананімна і канфідэнцыйна?