Экс-кандыдат у прэзідэнты і былы палітвязень Мікалай Статкевіч на сваёй старонцы ў фэйсбуку выказаў меркаванне, што падчас штогадовага паслання Аляксандра Лукашэнкі да народа і парламента будуць агучаныя нечаканыя навіны.
«Як нам стала вядома з розных крыніц, у тым ліку з крыніцы ўнутры ўлады, Лукашэнка мае намер агучыць пытанні на ўжо анансаваны ім рэферэндум па змене Канстытуцыі. Асноўнае пытанне — змена Артыкула 81 Канстытуцыі РБ, у якім запісана: «Прэзідэнт выбіраецца на пяць гадоў непасрэдна народам Рэспублікі Беларусь», — піша Статкевіч.
Па ягоных словах, Лукашэнка мае працягнуць прэзідэнцкі тэрмін да сямі гадоў. Таксама будуць вынесеныя пытанні адмены смяротнага пакарання, мяркуе Статкевіч.
0
0
0
0
0
0
