Кіраўнік КДБ Валерый Вакульчык патлумачыў, чаму часам ведамства не агучвае прозвішчы затрыманых бізнесменаў. Па словах кіраўніка ведамства, часам сума хабараў, якія выяўляе КДБ, невялікая.

- Бывае, тысяча даляраў, 10-12 тысяч даляраў - разавыя [хабару], але калі гэта рэгулярна — раз у месяц, раз у квартал, то няпроста задакументаваць. Мы робім стаўку на тое, каб затрымліваць з грашыма, каб адназначна было даказана, не было сумневаў.

Пры гэтым, запэўніў кіраўнік КДБ, ведамства прымае меры, каб не блакаваць працу кампаніі, нават калі яе кіраўнік затрыманы.

- І нават робім намаганні, каб па магчымасці не шкодзіць іміджу. Часам мы не называем прозвішчы або назвы фірмаў і кампаній - не таму, што хочам нешта ад вас схаваць, мы хочам, каб гэта не паўплывала на калектыў негатыўна. Так, атрымалася так. Хто вінаваты, той адкажа, а супрацоўнікі не вінаватыя, таму яны павінны працаваць і атрымліваць зарплату.

Хочаш падзяліцца важнай інфармацыяй ананімна і канфідэнцыйна?