24.04.2018 / 15:05

Ганна Канапацкая распавяла, пра што пыталася ў Лукашэнкі і які атрымала адказ 27

24 красавіка Аляксандр Лукашэнка выступіў перад Нацыянальным сходам. А пасля дэпутаты задавалі яму свае пытанні. Гэта частка традыцыйна не трапляе ў тэлетрансляцыю.

Ганна Канапацкая распавяла «Нашай Ніве», пра што пыталася ў Лукашэнкі і які атрымала адказ.

«Я спытала наконт дэцэнтралізацыі рэгіёнаў. Скарачаецца ініцыятыва мясцовых уладаў па паступленнях у бюджэт, зніжаюцца стымулы прадпрымальніцкай і інвестыцыйнай ініцыятывы, і ўсё гэта — прычына павышэння ўзроўню карупцыі на месцах. І для барацьбы з прычынамі карупцыі прыйшоў час перадаць уладу на месцах людзям праз свабодныя шчырыя выбары, а кантроль за уладай перадаць грамадзянскай супольнасці. І я спытала, ці гатовы прэзідэнт падтрымаць рэформу мясцовага самакіравання, — паведаміла Канапацкая. —

На гэта я атрымала адказ, што так, Лукашэнка гатовы падтрымаць любую рэформу, калі будзе бачыць, што яна наспела ў грамадстве. Але ён адзначыў, што ў нас з ім рознае разуменне грамадзянскай супольнасці: маўляў, на яго думку, я пад грамадзянскай супольнасцю маю на ўвазе толькі апазіцыю, а ён лічыць грамадзянскай супольнасцю і прафсаюзы, і саюзы жанчын, і грамадскія аб’яднанні [тыпу БРСМ]».

Пытанні іншых дэпутатаў Канапацкая назвала не вартымі ўзроўню Лукашэнкі.

«Некалькі дэпутатаў пыталіся пра адное і тое ж, пра чэргі на жыллё, пра арэнду зямлі… Гэта не узровень Лукашэнкі, думаю, што дэпутаты самі могуць браць на сябе адказнасць і выносіць заканадаўчыя ініцыятывы, калі іх тое турбуе», — сказала Ганна Канапацкая.

УШ

3
жэстачайшэ мяккая дыктатарка / Адказаць
24.04.2018 / 15:13
яго ўзровень - кукурузу саджаць
1
Шклотарнул / Адказаць
24.04.2018 / 15:28
Довести страну до нищеты и елевыживания двух третей населения надо ещё суметь
20
Андрусь-зь-Менску / Адказаць
24.04.2018 / 15:30
жэстачайшэ мяккая дыктатарка,ее уровень тоже. Пусть вместе сажают. 
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру