У Мінску 26 красавіка прайшоў традыцыйны Чарнобыльскі шлях, прымеркаваны ўгодкам катастрофы на Чарнобыльскай АЭС.

Сёлетняя акцыя сабрала каля 500 удзельнікаў. Яны прайшлі ад Акадэміі навук да Чарнобыльскай капліцы непадалёк ад плошчы Бангалор, дзе адбыўся мітынг.

NN.BY вяла анлайн-рэпартаж з месца падзей.

* * *

Акцыя дазволеная Мінгарвыканкамам. Збор удзельнікаў пачнецца а 18 на пляцоўцы ля кінатэатра «Кастрычнік». Затым адбудзецца дэманстрацыя па вуліцах Сурганава і Арлоўскай да царквы ў гонар іконы Божай Маці «Спатоленне загінулых», дзе запланаваны мітынг і цырымонія ўскладання кветак.

Арганізатары «Чарнобыльскага шляху» маюць намер патрабаваць спынення будаўніцтва АЭС у Астраўцы.

***

«Чарнобыльскі шлях» — вулічная акцыя, якую беларуская апазіцыя праводзіць штогод з 1988 года ў Мінску ў фармаце шэсця, што завяршаецца мітынгам прадстаўнікоў дэмсіл. Выключэннем быў 2011 год, калі сталічныя ўлады забаранілі шэсце, даўшы дазвол толькі на мітынг.

Хочаш падзяліцца важнай інфармацыяй ананімна і канфідэнцыйна?