У Мінску 26 красавіка прайшоў традыцыйны Чарнобыльскі шлях, прымеркаваны ўгодкам катастрофы на Чарнобыльскай АЭС.
NN.BY вяла анлайн-рэпартаж з месца падзей.
20:21
Павел Севярынец зачытаў выніковую рэзалюцыю «Чарнобыльскага шляху — 2018».
«Наша Ніва» сканчвае анлайн-трансляцыю мерапрыемства. Дзякуй за ўвагу!
20:11
Выступілі берасцейскі актывіст Аляксандр Кабанаў, эколаг Таццяна Новікава, ліквідатар Іван Віктоўскі, старшыня Партыі БНФ Рыгор Кастусёў і іншыя.
Павел Севярынец расказаў канкрэтныя даты правядзення акцый супраць АЭС. У кожны 26-ы дзень наступнага месяца будуць праводзіцца антыядзерныя мерапрыемствы. Расклад такі: па чарзе Заслаўе, Радашковічы, Маладзечна, Вілейка, Смаргонь, Ашмяны і, нарэшце, Астравец.
19:49
Хвіліна маўчання, кароткі мітынг.
19:42
19:37
Дэманстрантаў падышлі да агароджы, але міліцыянты іх надглядаць нават не збіраюцца.
19:33
19:30
Падчас шэсця вялікая частка ўдзельнікаў «згубілася». Да Чарнобыльскай капліцы добра калі дабярэцца палова дэманстрантаў. Ды і мітынгу, хутчэй за ўсё, не будзе, толькі пару рытуальных прамоваў.
19:23
Вось так выглядала акцыя ў Кіеўскім скверы, якую ладзіла КХП-БНФ. Сабралася 40 чалавек.
19:16
Дзядуля з украінскім сцяжком расказвае, што мае дзве радзімы — і Беларусь, і Украіна. Сам ён з Цярнопальскай вобласці, кажа, што паходзіць з месцаў, дзе Бандэра ганяў рускіх.
19:09
Шэсце праходзіць міма гандлёвага цэнтра «Еўропа». Па падліках назіральнікаў-вясноўцаў, рушыць 430 чалавек.
19:03
Палітолаг Валер Карбалевіч жорстка адзначае: у арганізатараў няма стратэгіі. Ці то гэта жалобная акцыя? Ці то пратэст? Калі АЭС ужо пабудаваная, які сэнс пратэставаць?
18:59
Іншы хлопец прынёс сцяг Арменіі, праўда, перагорнуты дагары нагамі.
18:58
Хлопец з нацыянальным сцягам на плячах прыйшоў на акцыю разам з двума сабакамі — Евай і Лунай. Мяркуе, што ім падабаецца.
18:46
18:46
Людзі ідуць даволі ціха, толькі час ад часу нехта зацягвае «Не АЭС!»
18:44
Адначасова сваю акцыю ў Кіеўскім скверы праводзіць КХП-БНФ. Тут сабралася некалькі дзясяткаў чалавек.
«Прагрэс, рэгрэс, Чарнобыль, ЧАЭС і Астравец — усім нам капец», — напісана на расцяжцы.
18:42
Адзін з удзельнікаў шэсця расказвае, што прыйшоў на акцыю ў знак салідарнасці з краязнаўцам, мытнікам Алесем Юркойцям. Нагадаем, той быў прысуджаны да працяглага зняволення нібыта за атрыманне хабараў. Юркойць віну не прызнаў.
18:39
Галава калоны завярнула на вуліцу Сурганава. У шэсці ўдзельнічае некалькі сотняў чалавек.
18:38
18:33
Севярынец анансуе правядзенне вулічных акцый у гарадах па дарозе з Мінска да Астраўца у 26 дзень кожнага месяца. Вынікам павінен стаць «Астравецкі шлях» 26 лістапада.
18:29
Шэсце пачынаецца. Можна налічыць 300-400 чалавек.
18:28
18:27
18:23
Максім Вінярскі па-ранейшаму пратэстуе асобна ад большасці. Ён запаліў фаер праз дарогу ад кінатэатра «Кастрычнік» і гукае па-руску «Свабоду палітвязням».
18:19
Прадпрымальнік Алесь Таўстыка прыйшоў на акцыю з дзіўнай кампазіцыяй у руках: тут сцягі Італіі, Фінляндыі, Польшчы, Швецыі, Германіі, ЗША, а таксама партрэт Аляксандра Лукашэнкі.
18:16
Эканаміст Сяргей Чалы адзначае, што праблемы ёсць перадусім з эканамічнай мэтазгоднасцю будаўніцтва Астравецкай АЭС. «Мы будзем мець прафіцыт, а перспектывы экспарту энергіі палітычна ўскладненыя», — тлумачыць ён.
18:11
Эколагі праводзяць свой перформанс — кожны ахвотны можа пагуляцца з цацачным корпусам рэактара, напрыклад, паваліць яго на зямлю.
18:09
Наш карэспандэнт перадае, што пакуль сабралася каля 150 чалавек.
18:05
Праз дарогу стаіць асобная купка актывістаў — Вольга Мікалайчык, Леанід Кулакоў, Максім Вінярскі. Яны стаяць з патрэтамі асуджаных па палітычных прычынах.
18:04
Старшыня Партыі БНФ Рыгор Кастусёў расказвае пра экалагічныя праблемы Астраўца, Светлагорска і Брэста.
Тлумачыць, што арганізатары асэнсаваны абралі той самы фармат акцыі, што і раней.
17:57
«Наша Ніва» пачынае тэкставую трансляцыю з Чарнобыльскага шляху — 2018.
У Мінску зараз +12 градусаў, час ад часу ідзе дробны дождж.
Акцыя дазволеная Мінгарвыканкамам. Збор удзельнікаў пачнецца а 18 на пляцоўцы ля кінатэатра «Кастрычнік». Затым адбудзецца дэманстрацыя па вуліцах Сурганава і Арлоўскай да царквы ў гонар іконы Божай Маці «Спатоленне загінулых», дзе запланаваны мітынг і цырымонія ўскладання кветак.
Арганізатары «Чарнобыльскага шляху» маюць намер патрабаваць спынення будаўніцтва АЭС у Астраўцы.
«Чарнобыльскі шлях» — вулічная акцыя, якую беларуская апазіцыя праводзіць штогод з 1988 года ў Мінску ў фармаце шэсця, што завяршаецца мітынгам прадстаўнікоў дэмсіл. Выключэннем быў 2011 год, калі сталічныя ўлады забаранілі шэсце, даўшы дазвол толькі на мітынг.
Каментары