28.04.2018 / 14:20

Рабіце што хочаце: Лукашэнка патрабуе прымаць жорсткія меры па барацьбе з п'янствам 49

president.gov.by

Пра гэта ён заявіў на нарадзе ў Жыткавіцкім райвыканкаме, паведамляе БелТА.

Як было адзначана на нарадзе прадстаўнікамі праваахоўных органаў, п'янства з'яўляецца сур'ёзнай праблемай, якая ўплывае і на дарожную бяспеку, прыводзіць да вытворчага траўматызму. Яшчэ адна праблема, з якой часта даводзіцца сутыкацца, — крадзяжы.

«Вось таму я і кажу: старшыні райвыканкамаў, сядайце разам з пракурорамі і кіраўнікамі РУУС, прымайце меры. Не расказвайце пра тое, што ў вас не хапае паўнамоцтваў. Вельмі жорсткія прымайце меры», — падкрэсліў кіраўнік дзяржавы.

«Гэта (крадзяжы) трэба выкарчоўваць. Гэтыя несуны мала таго што крадуць. Часам горш, яны ўздзейнічаюць негатыўна на іншых людзей, якія гэтага не робяць. Таму трэба прымаць жорсткія меры», — запатрабаваў Аляксандр Лукашэнка.

«А па п'яніцах, рабіце што хочаце, але міліцыя і пракурор павінны навесці парадак. Няма іншага шляху. Ну і кіраўнікі больш жорсткія павінны падыходзіць да гэтага», — звярнуў увагу кіраўнік краіны.

«Вядома, будуць крадзяжы, п'яніцы… Але гэта не павінна быць вышэй за пэўны ўзровень і мяжу. Таму трэба жорсткія меры прымаць у гэтых адносінах», — дадаў Лукашэнка.

Хочаш падзяліцца важнай інфармацыяй ананімна і канфідэнцыйна?

9
Генэрал Голад / Адказаць
28.04.2018 / 14:27
Я скажу, што рабіць: продаж алкаголю і цыгарэт толькі ў асобных крамах і з 09.00 да 20.00. У раённых цэнтрах такіх крам павінна быць 1-2. 
І яшчэ... Пакуль людзі зарабляюць па 100-300 даляраў, то іньшага хобі, чым чарка-скварка, ім не знайсьці. 
0
Гость / Адказаць
28.04.2018 / 14:29
Поднимем уровень на небывалую высоту !
12
Константин / Адказаць
28.04.2018 / 14:34
Чтоб пить меньше стали,надо на входе в общество краник перекрывать,вместе с усилением борьбы с суррогатами и их изобретателями.Все остальное-имитация борьбы.
Паказаць усе каментары/ 49 /
Каб пакінуць каментар, калі ласка, актывуйце JavaScript у наладах свайго браўзеру