Расійскія боты спрабавалі дапамагчы лідару апазіцыйнай Лейбарысцкай партыі Джэрэмі Корбіну выйграць леташнія выбары, гаворыцца ў сумесным расследаванні газеты Times.
«У рамках расследавання атрымалася выявіць 6 500 расійскіх акаўнтаў у Twitter, якія актыўна агітавалі за Корбіна за некалькі тыдняў да выбараў. Шмат акаўнтаў мелі ў профілі жаночыя англійскія імёны, але насамрэч кіраваліся ботамі», — піша выданне.
Сама Лейбарысцкая партыя, да якой газета звярнулася па каментар, паведаміла, што яна «не ведае ні пра якія аўтаматызаваныя боты, не плаціла за гэтыя паслугі і не ведае нічога пра прыхільнікаў партыі, якія маглі б гэтым займацца».
У той жа час лейбарысты выказалі здагадку, што расійскія боты маглі падтрымліваць кансерватараў.
0
0
0
0
0
0
