05.05.2018 / 18:55

На Гаваях прачнуўся Кілауэа — самы актыўны вулкан у свеце 5

Новая вулканічная актыўнасць Кілауэа выклікала «магутнае распырсквання лавы».

Пасля таго, як пачалася новая серыя вывяржэнняў самага актыўнага вулкана ў свеце Кілауэа, Вялікі востраў Гаваі ўскалыхнуў шэраг магутных землятрусаў, піша Бі-бі-сі.

Адзін з іх — з магнітудай 6,9 — з'яўляецца наймацнейшым землятрусам, зафіксаваным на тэрыторыі ЗША з 1975 года.

На востраве часова знікла падача электраэнергіі, мясцовыя жыхары і турысты павінны былі пакінуць свае дамы. Але папярэджанняў аб цунамі няма.

Вывяржэнне Кілауэа пачалося напярэдадні — гэта самы малады наземны вулкан на гавайскіх астравах.

У суботу вулкан працягнуў выкідаць фантаны лавы вышынёй 30 метраў. Некалькі дамоў разбурана, на трох вуліцах з'явіліся расколіны.

Агенцтва па абароне грамадзянскага насельніцтва ЗША заклікала ўсіх, хто ўсё яшчэ знаходзіцца недалёка вулкана, эвакуіравацца.

Там адзначылі, што ў паветры сканцэнтраваныя смяротна небяспечныя ўзроўні дыяксіду серы, і ратавальнікі не змогуць нікому дапамагчы.

На вялікай адлегласці ад вулкана бачны вялікі слуп дыму і попелу.

Напярэдадні на самым вялікім з гавайскіх астравоў абвясцілі абавязковую эвакуацыю 1700 мясцовых жыхароў.

Паводле сведкаў, лава пачала вылівацца на дарогу, стварыўшы вогненную сцяну. Вакол было чуваць пах серы і паленага дрэва.

Амерыканскі Чырвоны Крыж адкрыў пункты аказання дапамогі.

На мінулым тыдні лава з вулканічнага кратара Пуу Оо ўжо разлівалася і дасягнула населеных пунктаў.

Як напісаў у твітары гавайскі губернатар, у рэгіёне пачала працу нацыянальная гвардыя — для дапамогі з эвакуацыяй і падтрымання бяспекі.

Вулкан Кілауэа на выспе Гаваі — самы актыўны вулкан у свеце. Апошняе яго вывяржэнне працягваецца ад 1983 года.

Вулкан вельмі непрадказальны і небяспечны, але паглядзець на яго ўсё адно штогод прыязджаюць тысячы турыстаў.

Каля вяршыні вулкана нават пабудаваны музей, у якім сабралі звесткі пра вулканы Нацыянальнага парку «Вулканы Гаваяў» і іх вывяржэнні.

3
Анатоль Сідарэвіч / Адказаць
05.05.2018 / 19:03
Панове, дыя я пра гэта дзён колькі таму чытаў і нават  забыў ужо. 
9
Ярый националист нездоровый / Адказаць
05.05.2018 / 19:32
Вулкан Килауэа на острове Гавайи - самый активный вулкан в мире. Последнее его извержение продолжается с 1983 года.Вулкан очень непредсказуемый и опасный, и посмотреть на него все равно каждый год приезжают тысячи туристов.
https://nn.by/?c=ar&i=209119&lang=ru
Отсутствие разума у них - из-за бескультурья. Самый лучший отдых в Беларуси на Нарочи или на Браславах и т.д.!.. В - Синеококую все!
21
Василий / Адказаць
05.05.2018 / 21:02
Наверное рука кремля виновата))))))
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру