Пра гэта заявіў сёння намеснік міністра інфармацыі Павел Лёгкі на пасяджэнні рабочай групы па дапрацоўцы праекта Закона «Аб унясенні змяненняў і дапаўненняў у некаторыя законы РБ».

«Такім чынам мы хочам зняць адказнасць з саміх уладальнікаў рэсурсаў за каментары. Калі ўводзім аўтарызацыю, то ва ўладальнікаў больш магчымасцяў указаць праваахоўнікам кірунак працы», — сказаў Павел Лёгкі.

Канкрэтная методыка аўтарызацыі яшчэ ў распрацоўцы, падкрэсліў намеснік міністра. Як варыянт прапануецца ўвесці СМС-ідэнтыфікацыю. Але, калі ёсць іншыя прапановы, Павел Лёгкі звярнуўся да СМІ з просьбай агучваць іх для абмеркавання. Ён акцэнтаваў увагу, што сёння каментатара можна вызначыць па IP-адрасе.

Прадстаўнікі інтэрнэт-рэсурсаў выказаліся на карысць таго, што ідэнтыфікацыя павінна быць зручнай і шматстайнай, каб быў выбар найбольш простага спосабу для карыстальніка.

«Мы не чакалі, што дадзеная навацыя ў закон аб СМІ будзе ключавой. З аднаго боку, ёсць меркаванне пра тое, што рушыць услед зніжэнне трафіку, падзенне даходаў ад рэкламы. Але ніхто не ведае, ці будзе сапраўды гэты адток. Мы глядзім колькасць праглядаў і каментароў і супастаўляем. Можа, ёсць іншы метадычны падыход», - дадаў Павел Лёгкі.

Таксама ён звярнуў увагу на тое, у якіх выпадках каментатары баяцца раскрывацца.

Запаўняючы анкеты пры афармленні дысконтных карт, да прыкладу, людзі ахвотна раскрываюць свае персанальныя дадзеныя і не баяцца за іх захаванне. Уся справа ў тым, што за хамства і абразы на форуме пад сваім імем каментатар будзе несці адказнасць.

«Сёння форум — гэта высокі плот ананімнасці, з-за якога можна высунуцца, плюнуць на чалавека і схавацца.

Шмат зваротаў грамадзян паступае з нагоды хамства. Ніводны уладальнік рэсурсу не гарантуе паўнавартасную прэмадэрацыю. Акрамя таго, на форумы часам пралязаюць ашуканцы, размяшчаюцца спасылкі аб мікрапазыках, прадаецца спайс», — сказаў на заканчэнне Павел Лёгкі.

Хочаш падзяліцца важнай інфармацыяй ананімна і канфідэнцыйна?

1
Люся / Адказаць
08.05.2018 / 15:26
Легки: Шмат зваротаў грамадзян паступае з нагоды хамства. Ніводны ўладальнік рэсурсу не гарантуе паўнавартасную мадэрацыю. 
А дзе прыклады і прозвіщы гэтых грамадзян?


https://nn.by/?c=ar&i=209257
1
ўантуфры / Адказаць
08.05.2018 / 15:45
Мікразаймы ? Ну і лухта.
0
лучшие фильмы Голливуда / Адказаць
08.05.2018 / 15:56
унесённые лёгким ветром
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру