У Лісабоне 8 мая пройдзе першы паўфінал музычнага конкурсу «Еўрабачанне». Перад стартам найбуйнейшыя букмекерскія канторы памянялі галоўнага фаварыта на перамогу.

Цяпер ёй стала выканаўца ад Кіпра Эліні Фурэйра. Дзяўчыне 31 год, яна грэчанка, але родам з Албаніі. Некалькі разоў спрабавала прабіцца ад Грэцыі, але гэта ёй не ўдавалася. Песня Фурэйры называецца «Fuego», што перакладаецца як «агонь». Стаўкі на перамогу кіпрыёткі прымаюцца з каэфіцыентам 3,25 да 1.

Эксцэнтрычная ізраільцянка Нэта Барзілай з песняй Toy адкацілася на другое месца. На яе прымаюць стаўкі з разлікам 3,75 да 1.

На трэцім месцы нарвежац беларускага паходжання Аляксандр Рыбак. Ён ужо выйграваў «Еўрабачанне», а цяпер хоча зрабіць гэта паўторна. Яго шанцы ацэньваюцца як 7 да 1.

Прадстаўнік Беларусі Аляксееў мае каэфіцыент 101 да 1. Гэта акурат сярэдзіна спісу.

Хочаш падзяліцца важнай інфармацыяй ананімна і канфідэнцыйна?